इब्रानियों 11:4 - सिरमौरी नौवाँ नियम

⁴ बिशवाश लैई आदम कै बैटै हाबिलै आपणै बौड़ै भाई कैन दा बड़िया बलिदान पौरमेशवर कारिए चौढ़ौऊवा; औरौ बलिदान कै दवारा गवाही दैय कै हाबिल ऐक धरमी आदमी थिया। जिथुकै पौरमेशवर तैसकै बलिदान शै खुशी थिया; औरौ हाबिलै आपणी मौत कै बाद बै, आमु शिखाए लो कै बिशवाश कैशणा हौणा चैंई।

Sirmouri

⁴ बिश्वाष के कारण हाबिल ऐ कैन की बरा-बरी दे बैजाऐ बड़ी भेंट-बल़ी चढ़ाऐ। अरह् तेसी ही बिश्वाष के कारण हाबिल ऐक धरंमाँत्त्माँ माँना गुवा, किन्देंखे के पंण्मिश्वर ऐ तेस्की भेंट-बल़ी स्वीरार करी; अरह् से मँरी गुवा, परह् तेसी ही बिश्वाष के कारण ऐत्त्लो भे आँमें ऐजी ऐक गुवाऐ-शाज़्त्त दियों।

इब्रानियों 11:4 ပူးပေါင်းရင်းမြစ်များ

मत्ती 23:35

धरमी हाबिल सै लैयौ खै बिरिक्‍याह कै बैटै जकर्याह तौड़ी, जैसी तुऐं मन्दिरो औरौ वेदी कै बीच दा मारै दिया थिया, सौबी धरमी लोगौ का खून कौरा ऐजौ सौबै लोऊ बोवाणो कै दोषी तुऐं आपी हौंदै।

लूका 11:51

हाबिल की हत्या शै लोएबा जकर्याह पौरमेशवर की बातौ बौताणौवाल़ै कै लोऊ तौड़ी जैसी वेदी औरौ मन्दिर कै बीच मुंजी मारै दिया: हांव तुऔं खै साचौ बुलू, सौबी का लैखा ऐसी जमाने कै लोगौ शै लौन्दै।

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

इब्रानियों 11:2

अमारै पुराणिया का ऐशणा बिशवाश थिया। सिरफ इयौं बौजैह शै पौरमेशवर तिनुदा खुशी थिया।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

इब्रानियों 12:24

तुऐं यीशु कै धोरे आए रौवै जू पौरमेशवर औरौ लोगौ मुंजी नोऐं कौरार कै बीचवैई कौरौ, औरौ छिड़कैयौंदे लोऊ कै धोरे आए रौवै, हाबिल कै लोऊए न्याय कै मांग कौरे पौरौ मसीह का लोऊ पापौ कै माफी कारिए बौवाया गौआ।

इब्रानियों 5:1

हरेक महायहूदी पुरोहित इस्राएल देश कै लोगौ मुंजीदा चुणा जांव, औरौ आदमियों कै ही खातिर पौरमेशवर कै सेवा कौरणौ कारिए चुणा जांव ताकि सै भैंट चौढ़ाया कौरौ औरौ लोगौ कै पापौ कारिए बल़ि चौढ़ाया कौरौ।

इब्रानियों 9:22

मूसा कै कानून कै हिसाब शै, लमसम सौबै चीज़ौ नियम कै हिसाब शै लोऊ लैई साफ कौरणी चैंई। लोऊ बौवाए बिना, पौरमेशवर लोगौ खै तिनकै पापौ कारिए माफ ना कौरे सौकौ।

2 पतरस 2:8

लूत तिनु बुरै लोगौ मुंजी रौंव थिया, औरौ सै हर दूस तिनु बुरै कामौ खै दैखौ थिया जू सै कौरौ थिए औरौ तिनु बुरी बातौ खै शुणौ थिया जू सै बौल़ौ थिए, औरौ ऐजौ सौबै तैसी बैजाए पौरैशान कौरौ थियु, जिथुकै सै ऐक धरमी आदमी थिया।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।