इब्रानियों 11:36 - सिरमौरी नौवाँ नियम

³⁶ किछै लोगौ खै तौ ठाटा; औरौ कौड़ै का सामणा कौरणा पौड़ा औरौ किछै कै शांगुल़ी दै बांनैयौ कोयदखाने दै पाए दियै।

Sirmouri

³⁶ कुछ़ लोग ऐशे भे थिऐ, जिनकी परख-अजमाँऐष हंऐ; तिनू ठाठे खे करे, अरह् तिनू कोड़े खाणें पढे़, अरह् तिनू बैड़ियों लंई बाँनियों कंय्दखाँनें दे पाऐ दिते।

इब्रानियों 11:36 ပူးပေါင်းရင်းမြစ်များ

मत्ती 20:19

औरौ मुखै बैगानै यहूदी कै हाथौ दै सोंपदै। औरौ मैरा मोजाक ऊड़ालै, औरौ कौड़ै मारले, औरौ क्रूस पांदी चौढ़ाल़ै, औरौ हांव ती दूसौ दा जियुंदी हौए जांदा।”

मत्ती 21:35

पौरौ किसाने तैसकै नोकरो खै पाकड़ैबा कोसी खै पिटै औरौ कोसी खै मारै दियै, औरौ कोसी पांदी पाथर मारेयों मारै दियै।

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

मत्ती 27:26

इथपांदी तैणै बरअब्‍बा खै तिनु कारिए छोड़े दिया, औरौ यीशु दै कौड़ै लाएबा रोमी सैनिकौ खै दैय दिया, कै क्रूसो पांदी किलियों खत्म कौरौ।

मरकुस 10:34

औरौ सै मैरा मोजाक ऊंडान्दै, मुं पांदी थुकलै, मुं दै कौड़ै मारले, औरौ मुखै मार दैंदै, औरौ हांव तिजै दूसै जियुंदी हौए जांदा।”

लूका 18:32

जिथुकै सै मुखै बैगानै यहूदियों कै हाथौ दा सौंपदै, औरौ सैजै मैरा मोजाक उड़ांदै, औरौ मैरी बैज्जती कौरदै, औरौ मुं पांदी थुकदै।

लूका 23:11

तोबै राजा हेरोदेस आपणै सिपाहियो कै साथै तैसकी बैज्जती कौरेयौ तैसकै ठाटै उड़ाएयों, औरौ शाही भड़कीले खोटणो बाम्बायो तैसी पिलातुस कै धोरे पाछु छाड़ै दिया।

लूका 23:36

सैनिक बै नेड़िक आयौ औरौ खाटे अंगूरो का रस दैयौ तैसका ठाटा पाड़ैयो बौल़ै लौ थियु,

प्रेरितो कै काम 21:33

तोबै सैनिक गुट कै ठोगड़े पौलुस कै नेड़िक आयौ तैसी पाकड़ा, औरौ दो शांगुल़ो लैई बानणो कै आज्ञा दैयौ पूछदा लागा, “ऐजा कुण औसौ, औरौ ऐणै का राए कौरे?”

प्रेरितो कै काम 24:27

पौरौ जोबै दो साल बीतै गोई, तौ फेलिक्स कै जौगैह पुरकियुस फेस्तुस राज्यपाल बौणै गौआ। औरौ फेलिक्स यहूदी लोगौ खै खुश कौरणौ की इछा शै पौलुस खै कोयदी दा ही राखा।

प्रेरितो कै काम 4:3

औरौ तिनुऐ तिनु गिरफ्तार कौरेयौ ओकी दूसौ तौड़ी कोयदखाने दै राखै जिथुकै बैल़खौ हौए गौ थियु।

प्रेरितो कै काम 5:18

औरौ चोणेयौंदे चैलै कै थोम्बायो कोयदखाने दै बोन्‍द कौर दिए।

प्रेरितो कै काम 5:40

तोबै तिनुऐ तैसकै बात मान पाए; औरौ चोणेयौंदे चैलै कै बोयदयो पिटौऊवे; औरौ तिनु ऐजै आज्ञा दै कै सै ऐलो शै यीशु कै नांव शै किछै नी बौलेया औरौ हौजौ तिनु छोड़े दिए।

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

इफिसियों 3:1

जिथुकै पौरमेशवरे तुऔं बैगानै यहूदी लोगौ कै खातिर ऐजौ सौबै कौरौ, हांव पौलुस, तुऔं कारिए प्रार्थना कौरु। हांव ज़ेलो दा औसौ जिथुकै हांव तुऔं कारिए मसीह यीशु कै सेवा कौरु।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

2 तीमुथियुस 1:16

उनेसिफुरूस कै घोराणे पांदी प्रभु दया कौरौ, जिथुकै सै मौखै भैटिंदा ओऊवा औरौ कैई बार मैरै मौदद कौरे, औरौ इथै कोयदी दा मुंआरी भैटिणौ कारिए आणौ खै बै शोर्मेई ना।

2 तीमुथियुस 2:9

मोऐं कोयदखाने दा ऐक अपराधी कै जैशणा दुख सौयन कौरे लौआ जिथुकै हांव सुसमाचार का प्रचार कौरु। पौरौ कुणिए बै लोग पौरमेशवर कै वचन कै प्रचार कौरणौ शै रौकै ना सौकौ।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।