इब्रानियों 11:3 - सिरमौरी नौवाँ नियम

³ बिशवाश लैई आमै जाणै जांदै, कै सारी दुनिया कै रचना पौरमेशवर कै वचन लैई हौए रौए। इथकारिए आमै जू बै दैख राए सै तिनु चीज़ौ लैई ना बौणै रैई जिनु दैख ना सौकौ।

Sirmouri

³ अरह् बिश्वाष के कारण आँमें जाँणीं पाँव, के पंण्मिश्वर के शब्द के कारण बादी संईसारी के रंचणाँ करी गंऐ; परह् ऐजी संईसारी की जुण्जी चींजों ऐत्त्लों देखाई दी पड़ो सेजी बिना देखी चीजों के कारण बंणाँई गंई।

इब्रानियों 11:3 ပူးပေါင်းရင်းမြစ်များ

यूहन्ना 1:3

पौरमेशवरे सौबै ठुँ तैसी लैई बाणौ, औरौ जू किछै बाणै राए, तिनुमुंजी शै कुणजै बै चीज़ तैसकै बिना ना बाणै रैई।

प्रेरितो कै काम 14:15

“ओए रै लोगौ, तुऐं का कौरौ? आमुए बै तौ तुऔं साए दुख-सुख भुगतणो वाल़ै आदमी औसौ, औरौ तुऔं सुसमाचार शुणौऊं, कै तुऐं इनु बैकार कै चीज़ौ शै जौई हौयौ जियुंदै पौरमेशवर कै ढौबौ आंव, जैणै स्वर्ग औरौ धोरती औरौ समुन्द्र औरौ जू किछै तिंदु औसौ बाणै राए।

प्रेरितो कै काम 17:24

जैसी पौरमेशवरे दुनिया औरौ तिथमुंजी सौबै चीज़ौ बाणी, सै स्वर्ग औरौ धोरती का स्‍वामी हौयौ हाथौ कै बौणैयौंदे मन्दिरो दा ना रौंव।

रोमियों 4:17

पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

1 तीमुथियुस 4:5

जिथुकै पौरमेशवर कै वचन औरौ प्रार्थना खै दवारा ऐजौ पौरमेशवर कै मानणौ लायक हौए जांव।

इब्रानियों 1:2

पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।

इब्रानियों 6:5

तिनुऐ महसूस कौरे राए थियु कै पौरमेशवर कै ढौबौशा आणौवाल़ा सौंदेश आछा औसौ औरौ तिनुऐ तैसी आणौवाल़ै सौमय कै शौकतै कै महसूस कौरे राए जू आणौवाल़ा औसौ।

2 पतरस 3:5

सै जाणै बौझेयौ इयौं बातौ खै नज़र अंदाज कौरौ कै दुनिया कै शुरुआत दु, पौरमेशवरे बौल़ौ औरौ गौयणै बौण गौए। आपणै वचन लैई तैणै धोरती पौरैशौ पाणी खै जौई कौरौ औरौ पाणी मुंजीदै शुकै जोमीन बायरै निकाल़ी।

प्रकाशितवाक्य 4:11

अमारै प्रभु पौरमेशवर, तू महिमा पाणौ कै लायक औसौ। तू इज्जत पाणौ कै लायक औसौ। तू शौकतीशाली औसौ जिथुकै तुऐं हर चीज़ौ कै बाणी। तुऐं चोऊ कै सै अस्तित्व दी आंव औरौ इथकारिए तिनकै रचना कौरे।