इब्रानियों 11:25 - सिरमौरी नौवाँ नियम

²⁵ तैणै पौरमेशवर कै लोगौ कै साथै आपी पांदी आणौवाल़ै अत्याचार का चुनाव कौरा, बजाय इथकै कै दैणिक सौमय कारिए पाप कै सुख का आनन्द लोऊँ।

Sirmouri

²⁵ अरह् पाप दे ऐगड़ी के सुख्ह भोगणों के बजाऐ तेने पंण्मिश्वर की प्रजा की गंईलो दुख्ह भोगणें संहणें ही ठीक जाँणें।

इब्रानियों 11:25 ပူးပေါင်းရင်းမြစ်များ

मत्ती 13:21

पौरौ पौरमेशवर कै वचन कै आपणै मनो कै भीतरै बौठणौ ना दैंव, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

प्रेरितो कै काम 7:34

मोऐं सौथी कै आपणै लोगौ पांदी हौए रौवै अत्याचार कै मिस्र देश दै दैख राए औरौ तिनकै शुशकार औरौ रुणु शौणै राए; इथकारिए हांव तिनु बौचाणौ कारिए धैनै आए रौआ। ऐबै आ, हांव ताखै मिस्र देश कै भैजदा।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

इब्रानियों 10:32

तिनु पाछलै दूसौ कै बारै मुंजी सुंचौ जोबै तुऐं आगलै बैई मसीह कै बारै मुंजी जाणै राए थियु। याद कौरौ कै तुऐं कैशै बिशवाश लायक बौणैयौंदे रौवै चाए इथकारिए तुऔं बैजाए दुख सैहणा पौड़ौ।

इब्रानियों 11:37

तिनुमुंजी दै किछै बिशवाशी खै पथराव कौरेयौ मारै दियै, तिनु आरै लैई चिरेयौ दौ फांकौ कौरे दियै, तिनु तलवार लैई काटैयौ मारै दियै, सै गरीब थिए, औरौ तिनु दुख औरौ कौल़ेश सैहणै पौड़ै औरौ तिनुआरी बुरा बर्ताव कौरा। तिनु भेड़-बाकरी कै खोलड़ै कै लुस्कै बाम्बणै पौड़ै औरौ उंडै पुंडे भौटकै।

इब्रानियों 4:9

इथकारिए पौरमेशवर कै लोगौ कारिए ऐबै बै ऐक ठाँव तैयार औसौ, जिथै सै पूरी तरह शै विशांव कौरे सौकौ। सै तैशैखैई विशांव कौरौ जैशै पौरमेशवरे सातवें दूसै विशांव कौरा।

याकूब 1:20

जिथुकै जोबै ऐक आदमै गुस्से दा हौंव तौ सै तिनु धार्मिक कामौ कै ना कौरे सौकौ जू पौरमेशवर चांव कै सै कौरौ।

याकूब 5:5

तुऐं धोरती पांदी ऐशौ आराम दै लागैयौंदे रौंव, औरौ बौड़ा ही सुख भोगे राए, ऐशै कौरेयौ तुऐं तिनु गोरु कै जैशणै आपी कै मोटा-ताजा कौरे राए जिनुखै बाद दै मारैयौ खाए दैंव, तिनु साए तुऐं बै ऐजौ ना जाणौ कै तोंवारा नाश हौणौवाल़ा औसौ।

1 पतरस 2:10

पौरमेशवर कै बातौ बौताणौवाल़ै होशे जू लैखै राए सैजौ तोंवारै बारै मुंजी साचौ औसौ। आगै तुऐं पौरमेशवर कै लोग ना थी, पौरौ ऐबै तुऐं पौरमेशवर कै लोग औसौ। आगै तुऐं पौरमेशवर कै दया खै ना जाणौ थिए पौरौ ऐबै तुऐं इयौं जाणौए जिथुकै तैणै शुरु शै ही तुऔं पांदी दया दिखाए राए।

प्रकाशितवाक्य 18:7

तू तिथकै निशोंक हौयौ बैजाए पीड़ो औरौ दुख दियांदा जू तिथकै ऐशौ आराम कै जीवन कै तरीकै औरौ तिथकै आपणै प्रति घमण्‍ड कै बराबर औसौ। तिथ शहरै आपी खै बौल़ौ, “हांव ऐक राणी कै जैशणै लोगौ पांदी राज्य कौरदी। हांव ऐक विधवा ना आथी औरौ हांव दुख कै महसूस ना कौरदी।”