इब्रानियों 11:17 - सिरमौरी नौवाँ नियम

^17-18 जैशैखै तुऐं जाणौए कै पौरमेशवरे अब्राहम खै बौल़ै राए थियु, “तैरै खास बैटै इसहाक लैई, तैरा वंश गिणा जांदा,” तोबै बै पौरमेशवरे तैसकै परीक्षा लौए कै सै ऐसी बैटै कै बलिदान कौरे सौकदा कै ना। पौरौ तैसी पौरमेशवर कै ऐसी वादै पांदी ऐतरा बिशवाश थिया कै सै आपणै बैटै कै बै बलिदान चौढ़ाणौ कारिए तैयार हौए गौआ।

Sirmouri

¹⁷ जबे पंण्मिश्वर ऐ बाबा-अब्राहम के परख-अजमाँऐष करी, तअ तेसी बिश्वाष के कारण ही बाबा-अब्राहम ऐ आप्णा ऐकलोत्ते बैटा इसहाक भे बल़ीदाँण कर्णो खे तैयार हुवा; जबे के तेस्की गंईलो ऐजा बाय्दा करा गुवा थिया,

इब्रानियों 11:17 ပူးပေါင်းရင်းမြစ်များ

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

2 कुरिन्थियों 8:12

जिथुकै जै तोंवारै मन दा ओकी खै दान दैणौ कै विचार औसौ तौ दान तिथकै हिसाब शै स्वीकार बै हौंव जू तैसीकैईं औसौ ना कै तिथकै हिसाब शै जू तैसीकैईं ना आथी।

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

इब्रानियों 7:6

पौरौ ऐजा मलिकिसिदक जू लेवी कै पीढ़ी का बै ना थी अब्राहम कैईंदा देशवाँ हिस्सा लौआ, औरौ अब्राहम सैजा थिया जैसी पौरमेशवर का वादा भैटी रौआ थिया, तोबै बै मलिकिसिदकै तैसी आशीष दी।

याकूब 5:11

आमु दुखो दै धीरज धोरणो वाल़ौ खै धन्‍य बुलू। तुऐं अय्‍यूब नांव कै ऐक आदमी कै धीरज राखणौ कै बारै मुंजी तौ शौणै राए, औरौ तुऐं ऐजौ बै जाणौए कै पौरमेशवरे आखरी दी तैसकै कैशै मौदद कौरे, जिथलैई प्रभु कै बैजाए करूणा औरौ दया प्रगट हौंव।

1 पतरस 4:12

ओए रै मैरै बिशवाशी भाईयों, तिनु दुख दैणौ वाल़ी चीज़ौ कै बारै मुंजी हैरान ना हौंव जिथकै बौजैह शै तुऐं दुख सैय लौवै जिथुकै तुऐं मसीह कै औसौ। पौरौ ऐजी चीज़ौ ऐजौ दिखाणौ कारिए हौंदी लागै रैई कै का तुऐं सौथीखै पौरमेशवर पांदी बिशवाश कौरौ। इथकारिए, ऐजौ ना सुंचौ कै तोंवारै साथै किछै अनौखौ हौंदौ लागै रो।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।