इब्रानियों 11:16 - सिरमौरी नौवाँ नियम

¹⁶ पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

Sirmouri

¹⁶ परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।

इब्रानियों 11:16 ပူးပေါင်းရင်းမြစ်များ

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मरकुस 12:26

मौरेयौंदे पौरैशै जियुंदी हौणौ कै बारै मुंजी का तुऐं मूसा कै किताबो दो आग लैई जोल़ेयौंदे झाड़ी कै कथा दो ना पौड़ै रैई जियौं कथा दो पौरमेशवरे मूसा खै बौल़ौ: ‘हांव तैरै पुराणिया अब्राहम, इसहाक औरौ याकूब का पौरमेशवर औसौ?’

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 12:32

“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।

लूका 20:37

पौरौ इयौं बातौ खै कै मौरेयौंदे जियुंदी हौंव, मूसाए बै जोल़ेयौंदे झाड़ी कै कथा दो बौताए राए, कै सै प्रभु कै, ‘अब्राहम, इसहाक औरौ याकूब का पौरमेशवर बौल़ौ।’

यूहन्ना 14:2

मैरै पिता पौरमेशवर कै घोरे रौणौ कारिए बौहितै ठाँव औसौ, जै ना हौंदै तौ हांव तुऔं खै बौल़ै दैन्‍दा, जिथुकै हांव तुऔं कारिए ठाँव तैयार कौरदा चालै रौआ।

प्रेरितो कै काम 7:32

हांव तैरै पुराणिया, अब्राहम, इसहाक औरौ याकूब का पौरमेशवर औसौ, तोबै मूसा डौरेयौ कांमणै गौआ, औरौ इथै तौड़ी कै तैसी दैखणौ कै हिम्मत ना होई।”

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 11:10

जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

इब्रानियों 11:14

सैजै लोग जू इयौं दुनिया पांदी अजनबी औरौ प्रदेशी औसौ, सै खौलेयौ बौल़ौ, कै तिनुऐ ऐशणै देश खै पाणौ कारिए इंतजार कौरे लौआ जू तिनका औसौ।

इब्रानियों 11:40

जिथुकै पौरमेशवर कैई ना सिरफ तिनु कारिए, पौरौ अमारै खातिर बै ऐक बौड़ै योजना औसौ। पौरमेशवर चांव थिया कै सै अमारै साथै मिलैयौ सिध्द बौणै जांव।

इब्रानियों 12:22

पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

इब्रानियों 13:14

जिथुखै ऐजी दुनिया अमारा सौदा का घोर ना आथी यानी कै आमै आणौवाल़ै नगर कै खोज़ दै औसौ।

इब्रानियों 2:11

जिथुकै जू लोगौ खै तिनकै पापौ शै शुध्द कौरौ औरौ जू पवित्र लोग आपणै पापौ शै शुध्द कौरे जांव सौबै ऐकैई पिता कै संतान औसौ, यानी पौरमेशवर तिनका पिता औसौ, इयौं बौजैह शै यीशु तिनु भाईटु बौलणौ शै ना शर्मावं।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।