इब्रानियों 11:13 - सिरमौरी नौवाँ नियम

¹³ ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

Sirmouri

¹³ तेसी बाय्दे का फ़ल़ भेंटे बिना से बिश्वाष कर्दे मंरी भे गुऐ; परह् तिनू सेजी बाय्दें करी अंदी चींजों ताँव तोड़ी ऊँडी ने भेटी रंई थी, अरह् तिन्ऐ सेजी चींजो दुर्के शी ही देखी, अरह् तिनू चीजों का स्वागत्त करियों तिन्ऐ पंण्मिश्वर का धन्यबाद करा; किन्देंखे के से आपु खे ईयों धर्ती गाशी प्रदेशी अरह् बाईले लोग माँनों थिऐ।

इब्रानियों 11:13 ပူးပေါင်းရင်းမြစ်များ

मत्ती 13:17

जिथुखै हांव तुऔं खै साचौ बुलू, कै बौहितै पौरमेशवर कै बातौ बौताणौवाल़ै औरौ धरमीए चोऊ कै जू बातौ तुऐं दैखौए, दैखौ, पौरौ ना दैखी, औरौ जू बातौ तुऐं शुणौए, शुणौ, पौरौ ना शुणी।”

यूहन्ना 12:41

यशायाहै ऐजी बातौ इथकारिए बुली, कै तैणै यीशु कै महिमा सौमय दी आगै दैखै; औरौ तैसकै बारै मुंजी बातौ कौरी।

यूहन्ना 8:56

तोंवारा पुराणिया अब्राहम मैरै दूस दैखणौ कै आशा शै बौहिता खुशी थिया, औरौ तैणै दैखौ, औरौ खुशी मौनाए।”

रोमियों 4:21

औरौ निशोंक हौयौ जाणौ कै जियौं बातौ कै पौरमेशवरे प्रतिज्ञा कौरे राए, सै तियौं पूरा कौरणौ दा शौकतीशाली औसौ।

रोमियों 8:24

ऐबै जोबै पौरमेशवरे आमु बौचाए राए, तौ आमुकैंई ऐजी आशा औसौ। पौरौ जोबै तुऐं किछै पाणौ कै इछा कौरे लोए तौ जू तुऔं कैंई आगै दो औसौ, सैजी आशा ना आथी। कुणिए बै तियौं चीज़ौ खै पाणौ कै इछा ना कौरौ जू तैसीकैईं आगै दी औसौ।

2 कुरिन्थियों 4:18

औरौ आमै तौ दैखैयोंदी चीज़ौ खै नी पौरौ अनदैखी चीज़ौ खै दैखदै रोऊं, जिथुकै दैखैयोंदी चीज़ौ दैणिक ही दूसौ की औसौ, पौरौ अनदैखी चीज़ौ सौदा बौणेयौंदी रौंव।

2 कुरिन्थियों 5:6

इथकारिए आमुए सौदा ही पौरमेशवर पांदी भोरोशा राखु। आमै ऐजौ जाणुए कै आमै जांव तौड़ी ऐसी शोरीरो दै औसौ, तांव तौड़ी आमु प्रभु शै दूर, प्रदेश दै रोऊं।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

इब्रानियों 11:14

सैजै लोग जू इयौं दुनिया पांदी अजनबी औरौ प्रदेशी औसौ, सै खौलेयौ बौल़ौ, कै तिनुऐ ऐशणै देश खै पाणौ कारिए इंतजार कौरे लौआ जू तिनका औसौ।

इब्रानियों 11:17

जैशैखै तुऐं जाणौए कै पौरमेशवरे अब्राहम खै बौल़ै राए थियु, “तैरै खास बैटै इसहाक लैई, तैरा वंश गिणा जांदा,” तोबै बै पौरमेशवरे तैसकै परीक्षा लौए कै सै ऐसी बैटै कै बलिदान कौरे सौकदा कै ना। पौरौ तैसी पौरमेशवर कै ऐसी वादै पांदी ऐतरा बिशवाश थिया कै सै आपणै बैटै कै बै बलिदान चौढ़ाणौ कारिए तैयार हौए गौआ।

इब्रानियों 11:27

बिशवाश लैई राजा कै गुस्से दा ना डौरेयौ तैणै मिस्र देश खै छोड़ दियु, जिथुकै सै सौमझै गौआ थिया कै ऐजौ मानणौ तैशणौ थियु जैशै तैणै पौरमेशवर खै दैखै राए थिया, जू दैखियौं ना।

इब्रानियों 11:39

बिशवाश लैई इनु सौबी कै बारै मुंजी पौरमेशवर इनुदा खुशी थिया, तोबै बै तिनु लोगौ कै वादै कौरेयौंदी सैजी चीज़ौ ना भैटी जिथका वादा पौरमेशवरे कौरे राए थिया।

1 पतरस 1:1

हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।

1 यूहन्ना 3:19

जोबै आमु ऐकी दुजैआरी प्यार कौरु तौ इथी लैई आमै जाणुए कै आमु सौचाई कै औसौ; औरौ जैसी बातौ दा अमारा मन आमु दोषी ठोहरांव, तियौं बातौ कै बारै मुंजी आमै आपणै मनो कै तैसकी मौजूदगी दै चोयन दिलाए सौकु। जिथुकै पौरमेशवर अमारै मनो शै बौड़ा औसौ औरौ सै सौबै ठुँ जाणौए।