इब्रानियों 11:10 - सिरमौरी नौवाँ नियम

¹⁰ जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

Sirmouri

¹⁰ तिनकी नंजर तेसी तेथै के नंगर के ढंबै थी, जिन्दें का बंणाँणों वाल़ा पंण्मिश्वर असो।

इब्रानियों 11:10 ပူးပေါင်းရင်းမြစ်များ

यूहन्ना 14:2

मैरै पिता पौरमेशवर कै घोरे रौणौ कारिए बौहितै ठाँव औसौ, जै ना हौंदै तौ हांव तुऔं खै बौल़ै दैन्‍दा, जिथुकै हांव तुऔं कारिए ठाँव तैयार कौरदा चालै रौआ।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

इब्रानियों 11:16

पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

इब्रानियों 12:22

पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

इब्रानियों 12:28

इयौं बौजैह शै आमु जू राज भैटौ, तिथु हिंजाल़ी ना सौकौ, आव आमै धन्यवादी बौणु, जिथलैई आमै भोक्‍ती, औरौ डौर कै साथै, पौरमेशवर कै ऐशणै आराधना कौरे सौकौ जिथलैई सै खुश हौंव।

इब्रानियों 13:14

जिथुखै ऐजी दुनिया अमारा सौदा का घोर ना आथी यानी कै आमै आणौवाल़ै नगर कै खोज़ दै औसौ।

इब्रानियों 3:4

जिथुकै हरेक घौरौ का कुणिए ना कुणिए बाणणौवाल़ा हौंव, पौरौ जैणै सौबै ठुँ बाणै राए सै पौरमेशवर औसौ।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।