इब्रानियों 10:39 - सिरमौरी नौवाँ नियम

³⁹ पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

Sirmouri

³⁹ आँमें तिनू लोगो मुँझ़्शे ने आथी, जुण्जे पाछ़ू फीरियों नाँष हंऐ ज़ाँव; परह् आँमें तिनू लोगों मुँझ़्शे असो, जिनखे आप्णें बिश्वाष के कारण जीवन भेंटो।

इब्रानियों 10:39 ပူးပေါင်းရင်းမြစ်များ

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

लूका 11:26

तोबै दुष्टआत्मा जायौ आपिआरी हौजौ बुरी सात दुष्टआत्मा खै आपणै साथै लियांव, औरौ सै तैसी आदमी दै जाएयो ठिकाणा पांव, औरौ तैसी आदमी कै हालत आगै दै बै बुरै हौए जांव।”

यूहन्ना 17:12

जोबै हांव तिनकै साथै थिया, तौ मोऐं तैरै तैसी नांव लैई, जू तुऐं मुखै दैय राए तिनकै रक्षा कौरे, मोऐं तिनकै दैख-रैख कौरे औरौ विनाश कै बैटै कै छोड़ेयौ कै तिनु मुंजीदा कुणिए नाश ना होई, ताकि जू पवित्र शास्त्र दो लैखै राए, सै पूरु हौए जांव।

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

1 थिस्सलुनीकियों 5:9

जिथुकै पौरमेशवरे आमु इथकारिए ना चोणे रैई कै आपणै गुस्से शै आमुखै सौजा दैंव पौरौ आमु प्रभु यीशु मसीह कै दवारा मोक्ति पाणौ कारिए ठोहराए राए।

2 थिस्सलुनीकियों 2:3

इनु बातौ कै बारै मुंजी धौखै दै नी आया, जिथुकै प्रभु यीशु कै पाछु आणौ दा आगै लोग पौरमेशवर का विरोध कौरदै औरौ सैजा दुष्ट आदमी जैसी पौरमेशवर नरक दा नाश कौरदा, सै जौरुर प्रगट हौंदा।

1 तीमुथियुस 6:9

पौरौ जू अमीर हौणा चांव, सै सौबै भान्त कै पाप कौरणौ कारिए आसानी शै धौखा खांव औरौ ऐक शिकार कै जैशणै जालो दै फोशे जांव। सै तिनु चीज़ौ कै कौरणा चांव जू तिनु कारिए बैकार शी औरौ नुकसानदायक औसौ औरौ ऐजी बुरी इछाएं तिनु बर्र्बादी कै ढौबौ लौए जांव औरौ नाश कौरे दैंव।

इब्रानियों 10:26

जिथुकै सुसमाचार कै सौचाई खै जाणणौ कै बाद, जै आमु जाणै बौझेयौ पाप कौरु, तौ ऐशणा कुणजाई बलिदान बाकी ना आथी जू अमारै पापौ खै दूर कौरे सौकौ।

इब्रानियों 10:38

औरौ मैरै सैजै लोग जू बिशवाश शै धरमी बौणै रौवै सै जियुंदी रौंदै। औरौ जै सै पौरमेशवर पांदी भोरोशा कौरणा छोड़े दैंव, तौ हांव सौथीखै तिनुदा खुशी ना हौंदा।”

इब्रानियों 11:1

जू लोग पौरमेशवर पांदी भोरोशा राखौ तिनु निशोंक हौयौ सैजौ ही भैटदौ जिथकै आमै आशा राखु औरौ ऐजा भोरोशा राखणा चैंई कै जू चीज़ौ आमै दैख ना सौकु सैजी सौथीखै औसौ।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

1 यूहन्ना 5:16

जै कुणिए आदमी आपणै बिशवाशी भाईटु खै ऐशणा पाप कौरदै बैई दैखौ जिथका नतीजा मौत ना हौंव, तैसी कारिए प्रार्थना कौरौ, औरौ पौरमेशवर तैसी आदमी खै जिन्दगी दैंदा। पौरौ जैसी कोसी आदमीए ऐशणा पाप कौरे राला जिथका नतीजा मौत हौंव तौ हांव तैसकै बारै मुंजी तुऔं प्रार्थना कौरणौ कारिए ना बुलू।

1 यूहन्ना 5:5

दुनिया पांदी जय पाणौ वाल़ा कुण औसौ? सिरफ सैजा जैसका ऐजा बिशवाश औसौ, कै यीशु ही पौरमेशवर का बैटा औसौ।

प्रकाशितवाक्य 17:11

जू राकस आगै थिया, औरौ ऐबै ना आथी, सै आपी ही आठवाँ राजा औसौ; पौरौ सैजा आठवाँ राजा आगै सात राजाओं मुंजीदा ऐक औसौ। औरौ आखरी दै तैसी राजा खै निशोंक हौयौ हमैशा कारिए सौजा दैय जांदै।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।