इब्रानियों 10:27 - सिरमौरी नौवाँ नियम

²⁷ पौरौ तिनुखै डौर कै साथै पौरमेशवर कै न्याय का औरौ बैजाए भोबकैयौंदी आग कै उमीद कौरणै पौड़दै जू तिनु नाश कौरे दैंदै जिथुकै सै पौरमेशवर का विरोध कौरौ।

Sirmouri

²⁷ सिवाऐ नियाँव के डराव्णी बाट जुहणीं, अरह् कुरूध की आग जिन्दे लंई प्रचंन्ड जंल़्ण बाकी असो; जुण्जी पंण्मिश्वर के बिरोधियों का सफाया करी दियों।

इब्रानियों 10:27 ပူးပေါင်းရင်းမြစ်များ

मत्ती 13:42

औरौ स्‍वर्गदूत तिनुखै आग कै कुण्डो दै पांदा, तिथै रुणु औरौ दांद चाकणौ हौंदौ।

मत्ती 13:50

औरौ दुष्ट लोगौ कै आग कै कुण्ड दै बैगाए दैंदै। तिथै रुणु औरौ दांद को चाकणौ हौंदौ।”

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 3:10

इथकारिए ऐबै तुऐं पौरमेशवर कै न्याय कारिए तैयार रौया जिथुखै कुराड़ी डाल़ो कै जोड़ो पांदी राखै राए, इथकारिए जू डाल़ आछा फोल़ नै लियाला सैजा काटा जांदा औरौ आगै मुंजी बैगाया जांदा।”

मत्ती 3:12

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ादा जू आग कौलोंई ना हिशदै।”

मत्ती 8:29

औरौ दैखौ, तिनुऐ लैरौ मारैबा बौल़ौ, “ओए रै पौरमेशवर का बैटा, अमारै तांवआरी कुणजाई लैणा दैणा ना आथी? औरौ का तू सौमय दा आगै आमुखै दुख दैंदा इथै आए रौआ?”

लूका 16:24

तोबै तैणै तैसीकै जोर शै बौल़ौ, ‘ओए रै बापू अब्राहम, मुं पांदी दया कौरेयौ लाजर कै छाड़ै दै, कै सै आपणी गुठी कै पाणी मुंजी बिजोयो मैरै जीभो कै शैल़ै कौरौ, जिथुकै हांव ऐसी आगी कै पीड़ो दा तौड़पे रौआ।’

लूका 19:27

पौरौ मैरै तिनु बौयरी खै जू चांव ना थिए, कै हांव तिनका राजा बौणु, तिनु इथै लाएबा मैरै सामणै मारै दैव।’ ”

लूका 21:26

डौरौ की बौजैह शै औरौ दुनिया पांदी आणौवाल़ी घोटनाओ कै दैखैयो लोगौ कै जियौं दा जियुं ना रौंदा, जिथुकै गौयण कै शौकतीशाली चीज़ौ आपणै ठाँव पौरैशी हिंजल़ी जान्दी।

लूका 23:30

तैसी सौमय लोग ‘धारो शै बौलदै, कै आमु पांदी पौड़ौ, औरौ धालै कै बौलदै कै आमु दबाए दैव।’

यूहन्ना 5:29

जिनुवै आपणै जीवन दै भोलाए कौरे राए सै सौदा कै जिन्दगी पाणौ कारिए मौरेयौंदे मुंजीदै जियुंदी हौंदै औरौ जिनुवै बुराई मुंजी जीवन बिताए राए, सै सौजा पाए जाणौ कारिए जियुंदी हौन्दै।”

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 12:29

जिथुकै जोबै अमारा पौरमेशवर सौजा दैंव तौ सै ऐक बौड़ै आग कै जैशणा औसौ।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 9:27

हरेक आदमी कै ऐक बैई मौरणौ तय औसौ। मौत कै बाद, पौरमेशवर हरेक आदमी का न्याय कौरदा।

याकूब 5:3

तोंवारै सूनै-चांदी दा जर लागै गौआ, औरौ जोबै पौरमेशवर तोंवारा न्याय कौरदा, तोबै ऐजा जर तोंवारै खिलाफ ऐक गवाह कै जैशणा हौंदा, औरौ ऐजा जर तोंवारै शोरीर कै आग कै जैशणा जोल़ाए दैंदा। ऐजा आखरी जुग का अन्त औसौ औरौ तुऐं लोगै धन का ढैर लाए राए।