इब्रानियों 10:24 - सिरमौरी नौवाँ नियम

²⁴ आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

Sirmouri

²⁴ अरह् प्यार, अरह् भले काँमों खे होस्ला देऐयों ओका ओकी के चिंन्ता-फिकर करिया करह्;

इब्रानियों 10:24 ပူးပေါင်းရင်းမြစ်များ

प्रेरितो कै काम 11:29

तोबै चैलै फोयसला कौरा कै हरेक आपणी-आपणी हैसीयत कै हिसाब शै यहूदिया प्रदेश दै रौणौवाल़ै बिशवाशी भाईयों कारिए मौदद भैजौ।

रोमियों 11:4

पौरौ पौरमेशवरे एलिय्याह कै बौल़ौ, “मोऐं आपणै खातिर सात हजार मर्द कै राखै राए, जिनुवै झूठै बाल देवता कै मूर्ति कै आराधना ना कौरी।”

रोमियों 12:15

खुश रौणौवाल़ै कै साथै खुशी मोनांव, औरौ रुणोवाल़ै कै साथै रुओं।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

2 कुरिन्थियों 8:8

हांव आज्ञा कै रीति पांदी तौ नी, पौरौ ओकी कै खुशी शै तोंवारै प्यार कै सौचाई खै पोरखणौ कारिए बुलू।

2 कुरिन्थियों 9:2

जिथुकै हांव तोंवारै दैणौ कै इछा कै जाणुए, जिथकै बौजैह शै, हांव तोंवारै बारै मुंजी मकिदुनिया प्रदेश कै बिशवाशियौं कै सामणै घमण्‍ड दिखोऊ, कै अखाया प्रदेश कै तुऐं लोग ऐकी सालो शै तैयार हौए रौवै, औरौ तुंआरी खुशीए हौजौ बौहितै खै उभारे राए।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 थिस्सलुनीकियों 5:11

इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।

2 थिस्सलुनीकियों 3:9

आमुवा औधिकार थिया कै तुऔं शै आपी कारिए खाणौ खियाणौ कै बौल़ै सौकु थिए पौरौ तोबै बै आमुए कड़ी मैहनत कौरे। ताकि आपी खै तुऔं कारिए नमूना बौणु।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

तीतुस 2:4

ताकि सै ऐक आछा उदारण दिखाए सौकौ औरौ जवान बैटमाणिशौ कै सलाह दैणौ कै लायक हौंव औरौ सौमझाए सौकौ कि तिनु आपणै घोरवाल़ै औरौ नानड़िया आरी कैशै प्यार राखणा चैंई।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

इब्रानियों 13:3

कैदियों खै ऐशणै याद कौरौ, कै मानौ तिनकै साथै तुऐं बै कैद औसौ; औरौ जू सोताएयौंदे लोग औसौ, तिनकै साथै तुऐं बै आपणै शोरीर दो ऐशै महसूस कौरौ जैशै तुऐं बै पीड़ो सौय लोई।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।