इब्रानियों 10:23 - सिरमौरी नौवाँ नियम

²³ ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

Sirmouri

²³ ऐबे आँमें बिना शंक-शुभे के आप्णाँ तेसी भूर्षे दे पाक्कै अट्ल़ रंह, जेसी आँमें धारण करी थुवा; किन्देंखे के जिन्ऐं बाय्दा करी थुवा, से बिश्वाष ज़ूगै असो।

इब्रानियों 10:23 ပူးပေါင်းရင်းမြစ်များ

1 कुरिन्थियों 1:9

पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

2 कुरिन्थियों 9:13

जिथुकै ओकी कै मौदद कौरणौ कारिए धन दैणौ कै ऐजी सेवकाई दिखांव कै तुऐं आपणा वादा पूरा कौरे राए। बौहितै लोग पौरमेशवर कै महिमा प्रगट कौरदै जोबै तुऐं मसीह का साचा सुसमाचार कै सोचाई कै साथै मानलै औरौ बौतालै। औरौ तुऐं गरीब बिशवाशी औरौ ओकी बिशवाशियौं कै मौदद कौरणौ दै दया प्रगट कौरदै रौव।

1 थिस्सलुनीकियों 5:24

तोंवारा बौईदणो वाल़ा बिशवाश कै लायक औसौ, इथकारिए सै तुऔं पवित्र हौणौ कारिए बौईदो, औरौ सै तुऔं पवित्र बौणणौ दै मौदद कौरदा।

2 थिस्सलुनीकियों 3:3

पौरौ प्रभु भोरोशे कै लायक औसौ, सै तुऔं आत्मिक तौर शै मोजबूत कौरदा औरौ दुष्ट शैतान शै तोंवारै रक्षा कौरदा।

तीतुस 1:2

इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

इब्रानियों 11:11

बिशवाश लैई साराए बूढ़ैयौ बै होल़किणु कै शौकतै पाए; जिथुकै अब्राहम जाणौ थिया कै पौरमेशवर सैजौ कौरदा जिथका तैणै वादा कौरे राए थिया।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।

याकूब 1:6

पौरौ जोबै तुऐं पौरमेशवर शै मांगोए, तौ तुऔं बिशवाश कौरणा चैंई, शक ना कौरणा चैंई, जिथुकै जू शक कौरौ सै बिशवाश ना कौरौ, सै समुन्द्र कै फालो कै जैशणा बोदलदा रौंव जू हावा लैई बौं औरौ छिड़ौए।

प्रकाशितवाक्य 3:11

हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।