इब्रानियों 1:3 - सिरमौरी नौवाँ नियम

³ बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

Sirmouri

³ सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 1:3 ပူးပေါင်းရင်းမြစ်များ

मत्ती 22:24

“ओए रै गुरुजी, मूसाए बौल़ै राए थियु, कै जै कुणिए बिना ओलादै कै मौरे जांव, तौ तैसका भाई तैसकै घोरवाल़ी आरी बैयाव कौरेयौ आपणै भाईड़ी कै ओलाद पौयदा कौरे सौकौ।

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:29

ओकी दूसै यूहन्नाए यीशु खै आपणै ढौबौ आन्दै बैई दैखैयो बौल़ौ, “दैखौ, ऐजा पौरमेशवर का मेम्‍ना औसौ जू (आपी खै बलिदान कौरेयौ) दुनिया का पाप उठाणौ वाल़ा औसौ।

यूहन्ना 1:4

सै सौबी जिन्दगीयों का स्रोत औसौ, औरौ सै सैजाई औसौ, जू सौबी लोगौ कै पेयाशो दैंव।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

प्रेरितो कै काम 7:56

बौल़ौ, “दैखौ, हांव स्वर्ग कै खोलेयौंदा, औरौ आदमी कै बैटै कै पौरमेशवर कै सोऐं ढौबौ खौड़ा हौएयौंदा दैखु।”

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 8:34

कुणिए बै अमारै निंदा ना कौरे सौकौ जिथुकै ऐजा यीशु मसीह औसौ, जू अमारै खातिर मौरे गौआ औरौ मौरेयौंदे मुंजीदा जियुंदी हौआ, औरौ जू अमारै तरफ शै अमारै खातिर बिन्ती कौरौ।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

कुलुस्सियों 3:1

जैशै पौरमेशवरे मसीह कै मौरेयौंदे मुंजीदा जियुंदी कौरा तैशैखैई तुऔं बै जियुंदी कौरे राए, इथकारिए तिनु चीज़ौ कै खोज़ दै लागैयौंदे रौंव जू स्वर्ग दी राखै रैई जिथै मसीह पौरमेशवर कै धोरे सौबिदा आदर वाल़ै जौगैह पांदी बौठै रौआ।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 1:13

पौरमेशवरे आपणै कोसी स्‍वर्गदूत खै ऐशै कौलोंई ना बुली, “तू मैरै सोऐं ढौबौ आदर कै साथै बौठ, जांव तौड़ी कै हांव तैरै दुशमन खै पूरी तरह शै हराए नी दियु।”

इब्रानियों 10:12

पौरौ अमारै महायहूदी पुरोहित यीशु मसीहे अमारै पापौ कै माफी कारिए आपी खै हमैशा कारिए सिरफ ऐक बलिदान कै रुप दा चौढ़ाए दिया। औरौ ऐबै सै पिता पौरमेशवर कै सोऐं ढौबौ सिंहासन पांदी आदर कै ठाँव दा हमैशा कारिए बौठै गौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 7:27

औरौ सैजै महायहूदी पुरोहित जू हारून कै पीढ़ी कै थिए तिनु साए यीशु खै जौरुरी ना आथी कै हर रौज औगौड़ियौ आपणै पापौ औरौ तोबै लोगौ खै पापौ कारिए बलिदान चौढ़ांव, जिथुकै यीशु आपी खै बलिदान चौढ़ायौ तैणै ऐकैई बैई सौबै लोगौ कै पापौ कारिए आपी खै बल़ि चौढ़ाए दिया।

इब्रानियों 8:1

ऐबै जू बातौ आमै बौल़ै रैई, तिनुमुंजी दै सौबी दी बौड़ै बात ऐजै औसौ, कै आमुकैंई निशोंक हौयौ ऐशणा महायहूदी पुरोहित औसौ, जू ऐबै बै स्वर्ग पांदी सौबीदै बौड़ै पौरमेशवर कै सिंहासन कै सोऐं ढौबौ बौठेयौंदा औसौ।

इब्रानियों 9:16

आमै जाणुए जै कुणिए आदमी आपणै मौत कै बाद आपणी जायदात कै बांटणौ कै बारै मुंजी आखरी नियमौ खै लिखांव, तौ ऐजौ जौरुरी औसौ कै आगै तैसकै मौत हौं ताकि तैसकै नियमौ खै पूरै कौरेयौ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।

2 पतरस 1:16

जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।

प्रकाशितवाक्य 3:21

सैजै लोग जू जीत पालै सैजै लोग मैरै साथै मैरै सिंहासन पांदी बौठदै, तैशैखैई जैशै मोऐं जीत पाए राए औरौ आपणै पिता कै साथै तैसकै सिंहासन पांदी बौठै गौआ।

प्रकाशितवाक्य 4:11

अमारै प्रभु पौरमेशवर, तू महिमा पाणौ कै लायक औसौ। तू इज्जत पाणौ कै लायक औसौ। तू शौकतीशाली औसौ जिथुकै तुऐं हर चीज़ौ कै बाणी। तुऐं चोऊ कै सै अस्तित्व दी आंव औरौ इथकारिए तिनकै रचना कौरे।