इब्रानियों 1:2 - सिरमौरी नौवाँ नियम

² पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।

Sirmouri

² ईनू आखरी के देसो दे पंण्मिश्वर बैटे के जाँणें; आँमों आरी बात-चीत्त करी, जेसी तिन्ऐं बादी चींजो का हंकदार बाँणा, अरह् तिनके के जाँणें, तिन्ऐं बादी संईसारी की रचणाँ करी।

इब्रानियों 1:2 ပူးပေါင်းရင်းမြစ်များ

मत्ती 13:39

जैसी बौयरीए तिनुखै बोए राए सै शैतान औसौ; कटणी तैसी सौमय कै बौतांव जौल़ौ दुनिया का अन्त हौए जाला: औरौ काटणौ वाल़ै स्‍वर्गदूत औसौ।

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 21:38

पौरौ किसाने बैटै दैखैयो आपी मुंजी बौल़ौ, ‘ऐजा ही तौ वारिस औसौ, चालौ, आमै ऐसीखै बै मारै दियुंबे: औरौ ऐसकै जमीन-जायदात अमारै हौए जालै।’

मत्ती 26:63

पौरौ यीशु मेसो ही रौआ, औरौ किछै बै जोवाब ना दी। तोबै महायहूदी पुरोहिते तैसीखै हौजौ बौल़ौ, “हांव ताखै जियुंदी पौरमेशवर कै शौं दियु कै जै तू पौरमेशवर का बैटा मसीह औसौ, तौ आमुकैंई बौल़ै दै?”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

मरकुस 12:6

ऐबै ऐकैई रौए गौआ थिया, जू तैसका लाड़कु बैटा थिया; आखिर दा तैणै तैसीखै बै तिनकै कै धोरे ऐजौ सोंचैबा छाड़ा कै सै मैरै बैटै कै इज्जत कौरलै।

मरकुस 12:7

जोबै किसाने तैसका बैटा आन्दी बैई दैखा, तौ तिनुऐ आपी मुंजी बौल़ौ; ‘ऐजाई तौ वारिस औसौ, चालौ, आमै ऐसीखै बै मारै दियुंबे, तोबै जमीन-जायदात अमारै हौए जालै।’

यूहन्ना 1:10

सै दुनिया दा थिया, पौरौ दुनिया तैसकै दवारा बौणै औरौ दुनिया कै लोगै तैसीखै ना पोछैयाणी।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:3

पौरमेशवरे सौबै ठुँ तैसी लैई बाणौ, औरौ जू किछै बाणै राए, तिनुमुंजी शै कुणजै बै चीज़ तैसकै बिना ना बाणै रैई।

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 13:32

औरौ पौरमेशवर आपणै बैटै कै महिमा कौरदा, औरौ सै तावल़ै कौरदा।

यूहन्ना 15:15

ऐलो दै ऊबै हांव तुऔं नोकर ना बौलदा, जिथुकै नोकर ना जाणौ कै तैसका मालिक का कौरौ। पौरौ मोऐं तुऔं खै दोस्त राए बौल़ै, जिथुकै मोऐं जू बातौ आपणै पिता पौरमेशवर शै शौणै रैई, सैजी सौबै तुऔं बौताए दी।

यूहन्ना 16:15

जू किछै पिता पौरमेशवर कौ औसौ, सैजौ सौबै मैरौ औसौ; इथकारिए मोऐं बौल़ौ, कै तैसी मैरी ढौबौशौ जू भैट रौं, सैजाई तुऔं बोताला।”

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:25

तिथै यूहन्ना कै चैलै औरौ ऐक यहूदी आदमी कै बीच मुंजी आपणै भोवार कै हिसाब शै हाथ धोणो कै बारै मुंजी बैहस हौए।

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 5:27

जिथुकै हांव आदमी का बैटा औसौ, इथकारिए पिता पौरमेशवरे मुखै सौबी लोगौ का न्याय कौरणौ का औधिकार दैय राए।

यूहन्ना 9:29

आमु जाणुए कै पौरमेशवरे मूसा शै बातौ कोरी; पौरौ ऐसी आदमी कै ना जाणु कै ऐजा कुकै दा आए रौआ।”

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 2:17

प्रभु बौल़ौ, कै अन्त कै दूसौ दौ ऐशै हौन्दौ, कै हांव आपणै पवित्र आत्मा सौबी आदमी पांदी भैजदा, औरौ तोंवारै बैटै औरौ तुंआरी बैटी पौरमेशवर कै बातौ बौताया कौरदी औरौ तोंवारै जवान दर्शन दैखदै, औरौ तोंवारै बूढ़े आदमी सुईणै दैखदै।

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

गलातियौं 4:4

जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

इफिसियों 1:10

औरौ पौरमेशवर कै योजना ऐजै औसौ कै सोही सौमय पांदी, जू किछै स्वर्ग औरौ धोरती पांदी औसौ, तिनु सौबी कै मसीह कै औधिकार तौड़ी कौरदा।

इफिसियों 3:9

औरौ मुखै इयौं राज़ौ कै योजना खै सौबी कै सौमझाणौ कारिए बै चोणे राए थिया। पौरमेशवर, जू सारी दुनिया का बाणणौवाल़ा औसौ, तैणै शुरु शै ही इयौं योजना कै गुप्‍त राखै राए थै।

इब्रानियों 1:5

पवित्र शास्त्र दो पौरमेशवरे आपणै कोसी बै स्‍वर्गदूत कै ऐशै ना बुली, तू मैरा बैटा औसौ; ऐलो हांव ताखै बैटै कै रुप दा प्रकट कौरु औरौ ऐजौ तैणै ऐशै आपणै कोसी बै स्‍वर्गदूत कै ना बुली, हांव तैसका पिता बौणदा, “औरौ सै मैरा बैटा बौणै जांदा।”

इब्रानियों 1:8

पौरौ बैटै कै बारै मुंजी बौल़ौ, “ओए रै पौरमेशवर, तैरा राज्‍य सौदा तौड़ी बौणेयौंदा रौंदा, तू आपणै राज्य पांदी न्यांव शै राज्य कौरदा।

इब्रानियों 11:3

बिशवाश लैई आमै जाणै जांदै, कै सारी दुनिया कै रचना पौरमेशवर कै वचन लैई हौए रौए। इथकारिए आमै जू बै दैख राए सै तिनु चीज़ौ लैई ना बौणै रैई जिनु दैख ना सौकौ।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 5:8

जौबेकै, यीशु पौरमेशवर का बैटा थिया, तैणै तिनु दुखो कै दवारा जू तैणै सैय, पौरमेशवर कै आज्ञाओं का पालन कौरणा शिखा।

इब्रानियों 7:28

जिथुकै मूसा कै कानून तौ कमजोर आदमी खै महायहूदी पुरोहित खै चुणो, पौरौ सैजी शौं जू मूसा कै कानून कै बाद आई तियैं पौरमेशवर कै बैटै खै महायहूदी पुरोहित कै रुप दा चुणा। सै हमैशा कारिए अमारै खातिर सिध्द महायहूदी पुरोहित बौणै गौआ।

इब्रानियों 7:3

पवित्र शास्त्र दै तैसकै माँ-बापू, औरौ पुराणिया या तैसकै जन्म या तैसकै मौत कै बारै मुंजी किछै बै ना लैखै रैई। सै सौदा कारिए ऐक महा पुरोहित औसौ। इथकारिए सै पौरमेशवर कै बैटै कै जैशणा औसौ।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

2 पतरस 3:3

सौबी दै खास बात, तुऔं पौता हौणा चैंई कै मसीह पाछु आणौ दै आगै आखरी दूसौ दै ऐशणै लोग हौन्दै जू तोंवारा मजाक उड़ांदै जिथुकै तुऐं बिशवाश कौरौ कै मसीह औटेयौ पाछु आन्‍दा। सै आदत शै मजबूर हौयौ बुरै काम कौरदै जू तिनु खुश कौरौ।

यहूदा 1:18

सै तुऔं बौलेया कौरौ थिए, “अमारै प्रभु यीशु मसीह कै आणौ दै आगै, ऐशणै लोग हौंदै जू प्रभु औरौ तैसकै लोगौ का मजाक कौरदै। ऐजैई सैजै लोग औसौ जिनकै जीवन बुरी इछाओं कै काबू दै औसौ।”