इब्रानियों 1:1 - सिरमौरी नौवाँ नियम

¹ बैजाए साल औगौड़ियौ पौरमेशवरे पुराणिया शै कैईंयौं बार औरौ कैईंयौं तरीकै शै पौरमेशवर कै बातौ बौताणौवाल़ो कै दवारा बातौ कौरी,

Sirmouri

¹ पुराँणे जबाने दी पंण्मिश्वर ऐ आप्णें ऋषी के जाँणें कई बख्ते अरह् कई ढंग शी तिन्ऐं अमाँरे नाँना-बाबा आरी बात-चीत्त करी,

इब्रानियों 1:1 ပူးပေါင်းရင်းမြစ်များ

लूका 1:55

तैणै अब्राहम औरौ तैसकै सारै वंशो खै हमैशा कारिए दया दिखाणौ कारिए याद कौरे राए।”

लूका 1:72

सै आपणी पवित्र कौरार कै याद कौरेयौ अमारै पुराणिया पांदी दया कौरदा।

लूका 24:27

यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 16:13

पौरौ जोबै सैजा सत्‍य का आत्मा आला, तौ तुऔं पौरमेशवर कै बारै मुंजी जू बै साचौ औसौ बौतांदा। जिथुकै सै आपणै औधिकार शै ना बौलदा, पौरौ जू किछै पौरमेशवर कै ढौबौशौ शुणल़ा, सैजौई बौलदा, औरौ आणौवाल़ी बातौ तुऔं बौतांदा।

यूहन्ना 7:22

मूसाए तुऔं खै खतना कौरणौ कै आज्ञा दै, ऐशै नै कै सै मूसा कै औरौ शै औसौ, पौरौ पुराणियो शै हौंदै आए रौवै, औरौ तुऐं विशांव कै दूसै आदमी का खतना कौरौ।

यूहन्ना 9:29

आमु जाणुए कै पौरमेशवरे मूसा शै बातौ कोरी; पौरौ ऐसी आदमी कै ना जाणु कै ऐजा कुकै दा आए रौआ।”

प्रेरितो कै काम 13:32

औरौ आमुए तुऔं तैसी कौरार कै बारै मुंजी जू पौरमेशवरे अमारै पुराणिया शै कौरे राए थै, ऐजा सुसमाचार शुणौऊं,

प्रेरितो कै काम 2:30

सै पौरमेशवर कै बातौ बौताणौवाल़ा थिया, सै जाणौ थिया कै पौरमेशवरे शौं खायौ तैसीआरी वादा कौरा कै, “हांव तैरै वंश पौरैशा ऐक आदमी कै तैरै सिंहासन पांदी बौठाल़दा।”

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 3:21

यीशु का स्वर्ग दा तैसी सौमय तौड़ी रौणा जौरुरी औसौ जोबै पौरमेशवर तिनु सौबी चीज़ौ कै नौवाँ बाणै दैन्दा जू तैणै बाणै रैई। बौहुत सौमय आगै पौरमेशवरे लोगौ कै बौताणौ कारिए पवित्र पौरमेशवर कै बातौ बौताणौवाल़ै कै दवारा ऐशै कौरणौ का वादा कौरा।

इब्रानियों 11:2

अमारै पुराणिया का ऐशणा बिशवाश थिया। सिरफ इयौं बौजैह शै पौरमेशवर तिनुदा खुशी थिया।

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 2:2

जिथुकै पौरमेशवर का कानून जू स्‍वर्गदूतौ कै दवारा दैय राए थिया, सौदा साचा साबित हौए रौआ औरौ लोगौ खै मूसा कै कानून कै कुणजै बै आज्ञा टाल़नो पांदी सौजा भैटौ थै।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

इब्रानियों 3:5

मूसा तौ पौरमेशवर कै सौबै लोगौ कै खातिर सेवक कै जैशणा ईमानदार रौआ, जू काम मूसाए कौरे, सैजै सिरफ तिनु बातौ कै साची उदारण थिए, जू पौरमेशवर आणौवाल़ै सौमय दौ बौलदा।

इब्रानियों 4:8

आमै ऐजौ बै जाणुए कै पौरमेशवरे जैसी विशांव कै ठाँव का वादा कौरे राए, सैजा कनान देश ना आथी, जिथमुंजी जाणौ कारिए यहोशूए अमारै पुराणिया कै अगुवाई कौरे। जिथुकै जै ऐजा कनान देश हौंदा तौ पौरमेशवर बाद मै ऐक औकै विशांव कै बारै मुंजी चौर्चा नी कौरदा।

इब्रानियों 5:5

तैशैखैई, मसीहे बै आपी खै महायहूदी पुरोहित बौणैयौं आपी खै आदर दैणौ का फोयसला ना कौरी। पौरौ पौरमेशवरे मसीह का ऐजौ बौलेयौ आदर कौरा कै, “तू मैरा बैटा औसौ, ऐलो हांव ऐजौ साबित कौरु कै हांव ही तैरा पिता औसौ।”

इब्रानियों 9:19

सौबीदै आगै, मूसाए सौबी लोगौ खै कानून कै हर आज्ञा कै बारै मुंजी बौतौऊ। इथकै बाद तैणै बाकरै कौ लोऊ कौरौ औरौ तिथु पाणी मुंजी मिलोऊं। तोबै तैणै इथु कानून कै किताब औरौ सौबी लोगौ पांदी छिड़कौणौ कारिए लाल ऊन औरौ जुफा नांव कै पौधे कै शांव का इस्तैमाल कौरा।