गलातियौं 6:8 - सिरमौरी नौवाँ नियम

⁸ जिथुकै जू आदमी सैजौ कौरौए जू तैसका पापी स्‍वभाव चांव, सै दैखदा कै ऐजौ तैसी कारिए मौत लोयो आन्दौ। पौरौ जू आदमी पौरमेशवर कै आत्मा कै इछा खै पूरी कौरौ सै दैखदा कै आत्मा तैसी सौदा कै जिन्दगी दैंदा।

Sirmouri

⁸ किन्देंखे के जू कुँऐं आप्णी देह्-शरीर खे बोला, से आप्णी ही देह्-शरीर के नाँषो के शाख के कट्णी करला, अरह् जुण्जा आत्त्मा की खेच़ौ दो बोला से सदा का अमर-जीवन के शाख काट्ला।

गलातियौं 6:8 ပူးပေါင်းရင်းမြစ်များ

मत्ती 19:29

औरौ जैसी कोसीए घोरो या भाईयों या माँ-बापू या नानड़िया या बागड़ी खै मैरै नांव कारिए छोड़े राए, तिनुखै शौ गुणा भेटदो: औरौ सै सौदा कै जिन्दगी का औधिकारी हौंदा।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

लूका 18:30

औरौ तिनुकै इयौं सौमय दी बौरिशी चीज़ौ भैटदी, औरौ आणौवाल़ै जुगो दै सौदा कै जिन्दगी भैटदै।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 4:36

औरौ फसल काटणौ वाल़ै आगै ही काम कौरे लौआ, औरौ आपणै धियाड़ी पाए लोए, औरौ सै ऐजौ औसौ, कै तिनुऐ तिनु लोगौ कै कौठै कौरे लौवै जू सौदा कै जिन्दगी पालै, कै बौणौवाल़ा औरौ काटणौवाल़ा दुईनै खोशे मौनालै।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

रोमियों 8:6

आपणै पापी स्‍वभाव कै आपणै मन पांदी काबू दैणा मौत कै ढौबौ लौय जांव। पौरौ आत्मा कै आपणै मन पांदी काबू दैणौ शै जीवन औरौ शान्तै भैटौ।

1 कुरिन्थियों 15:42

तौ ऐशैखैई मौरेयौंदे लोगौ कै औटेयौ मौरेयौंदे मुंजीदा जियुंदी हौणौ हौंदौ। जैसी शोरीर खै सै दफनांव, सैजाई ऐशणा शोरीर औसौ जू शोड़े जांव, पौरौ जोबै ऐजा शोरीर औटेयौ जियुंदी हौला तौ ऐजा ऐक ऐशणा शोरीर हौंदा जू शोड़े ना सौकौ।

गलातियौं 6:7

आपी खै धौखा नै दैव, जिथुकै कुणिए बै कौलोंई बै पौरमेशवर खै मूर्ख ना बाणै सौकौ, जिथुकै आदमी जू बौए दैंव, सैजौ ही काटदा।

1 तीमुथियुस 1:16

पौरौ मसीह यीशुए मुंआरी दया दिखाए। मुखै माफ कौरा, मोऐं जैणै सौबी दै जादा पाप कौरे राए, इयौं बातौ लैई प्रभु ऐजौ दिखाणौ चांव कै सै कैतरा सहनशील औसौ। ऐजौ तिनु लोगौ कारिए ऐक उदारण हौंदा जू तैसी पांदी बिशवाश बाद मै कौरदै औरौ सौदा कै जिन्दगी पांदै।

तीतुस 3:7

पौरमेशवरे ऐशै इथकारिए कौरौ ताकि आपणै अनुग्रह शै सै आमु आपणै साथै सोही ठोहराए सौकौ, औरौ आमै तैसकै संतान बौणै सौकु औरौ इथकारिए बिशवाश कै साथै सौदा आशा राखै सौकु।

याकूब 3:18

औरौ जू मिलाप कौराणौ वाल़ै औसौ सै शान्तै का बिज़ बौंदै औरौ धार्मिक कामौ कै फसल काटदै।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।

प्रकाशितवाक्य 22:11

औरौ इथकारिए जू कुणिए बुरै औरौ घिनौने काम कौरौ, तिनु तिनकै बुरै औरौ घिनौने काम कौरदै ही रौणौ दैणै चैंई। ऐशैखैई जू कुणिए बै आछै औरौ पवित्र काम कौरौ, तिनु तिनकै आछै औरौ पवित्र कामौ कै कौरदौ रौणौ चैंई।”