गलातियौं 6:4 - सिरमौरी नौवाँ नियम

⁴ हरेक आदमी आपणै खुद कै कामौ खै जांचो कै का सै आछै औसौ या आथी ना। जै तैणै आछै काम कौरे राए, तौ सै आपणै कामौ पांदी घमण्‍ड कौरे सौकौ।

Sirmouri

⁴ परह् ऐक नाँम आदमी आप्णी काँम-काज़ के जाँच परख करह्, अरह् तबे अंण-जाँण के बारेदे ने, परह् आप्णें ही बारे दा तेसी तारीफ कर्णो का मोका भेट्ला।

गलातियौं 6:4 ပူးပေါင်းရင်းမြစ်များ

लूका 18:11

फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

1 कुरिन्थियों 11:28

इथकारिए हर आदमी आपी खै जांचैया कौरौ कै का तैसका आपणा विचार सोही औसौ, औरौ तोबै इयौं रोटी मुंजी दो खांव, औरौ छानै पौरैशौ अंगूर का रस पियौ।

1 कुरिन्थियों 3:14

जै कोसी सेवके नीयुं पांदी जू काम कौरे राए, सैजा काम बोणेयोंदा रौंव, तौ सै मौजदूरी पांदा।

1 कुरिन्थियों 3:8

मोऐं तुऔं सुसमाचार शुणौऊवा औरौ पौरमेशवर कै वचन खै शिखाणा शुरु कौरा औरौ अपुल्लोसे तुऔं पढ़ाणा जारी राखा पौरौ आमु दु का ऐकैई मकसद औसौ। जू पौधे लांव तैसकै धियाड़ी औरौ जू पाणी दैंव तैसकै धियाड़ी ऐक जैशणै औसौ, औरौ इनु दु खै पौरमेशवर इनाम दैंदा जू तिनुऐ कौरे राए।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 13:5

आपी खै पोरखौ, कै बिशवाश दै औसौए कै ना; आपी खै पोरखौ, ऐजौ दैखणौ कारिए कै तोंवारा बिशवाश साचा औसौए कै ना, का तुऐं आपणै बारै मुंजी ऐजौ ना जाणौ, कै यीशु मसीह तुऔं दा औसौए? नही तौ तुऐं बैकार निकल़ै रौवै।

गलातियौं 6:13

इथै तौड़ी कै सै खतना कौरेयौंदे यहूदी बिशवाशी बै मूसा कै सौबै कानून का पालन ना कौरौ, पौरौ सै चांव कै तोंवारा खतना कौरा जांव ताकि सै औकै यहूदी लोगौ कै सामणै घमण्‍ड शै ऐजौ बौताए सौकौ कै तोंवारा खतना तिनकै बौजैह शै हौआ।

फिलिप्पियों 1:26

जोबै हांव औटेयौ तोंवारै साथै हौंदा, तौ तुऐं मैरी बौजैह शै मसीह यीशु कै बारै मुंजी हौजौ बै जादा घमण्‍ड कौर सौकदै।