गलातियौं 6:3 - सिरमौरी नौवाँ नियम

³ जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

Sirmouri

³ किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

गलातियौं 6:3 ပူးပေါင်းရင်းမြစ်များ

लूका 18:11

फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

प्रेरितो कै काम 5:36

जिथुखै इनु दूसौ दै औगौड़ियौ थियूदास ऐजा दावा कौरौ थिया कै हांव बै किछै औसौ औरौ कुणिए चार शौ लोग तैसकै चैलै बौणै गौवै। पौरौ सै मौरे गौआ, औरौ जैतरै लोग तैसी मानौ थिए, सौबै लोग बैखरै गौवै औरौ तिनका नामोनिशान बै ना रोई।

रोमियों 12:16

ऐकी दूजै का तैतरा ध्यान राखौ जैतरा कै आपणा राखौ; घमण्‍ड ना कौरौ, पौरौ शोरीफो कै साथै संगति राखौ, आपणै नज़र दै बुध्दिमान नी बौणैया।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 8:2

जै कुणिए सौमझौए कै सै किछै जाणौए, तौ सै इबी तौड़ी ऐजौ ना जाणौ कै कैशैखै जाणणौ चैंई।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 3:5

आमु ऐजौ ना बुलू कै आमुकैंई आपी दी किछै बै कौरणौ कै ताकत औसौ। पौरौ पौरमेशवर आमु ऐजै ताकत दैंव। औरौ अमारै ताकत पौरमेशवर कै ढौबौशै औसौ।

गलातियौं 2:6

तोबै यरूशलेम शहर कै कलीसिया कै तिनु अगुवे मैरै शिक्षा दै किछै बै मिलावट ना कौरी, मुखै इयौं बातौ लैई किछै फर्क ना पौड़ौ कै सैजै अगुवे किशैक रुतबे वाल़ै मानै जांव थिए, जिथुकै पौरमेशवर बायरौ का रुप दैखैयो न्याय ना कौरौ।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

2 तीमुथियुस 3:13

पौरौ बुरै औरौ धोकैबाज लोग, जादा बुरै काम कौरदै। सै लोगौ कै धौखा दैलै औरौ आपी बै लोगौ शै धौखा खालै।

याकूब 1:22

सिरफ तैसकै वचन कै शोणेयो आपी खै धौखा ना दैव; तुऔं सैजौई कौरणौ चैंई जू सै बौल़ौए।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

1 यूहन्ना 1:8

जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।