गलातियौं 6:18 - सिरमौरी नौवाँ नियम

¹⁸ ओए रै बिशवाशी भाईयों, हांव प्रार्थना कौरु कै प्रभु यीशु मसीह का अनुग्रह तुऔं सौबी कै साथै रौंव। आमीन।

Sirmouri

¹⁸ हे भाऐ बंईणों, अमाँरे प्रभू यीशू मसीया के कृपा तुँवारी आत्त्मा आरी रंह्। आमीन “ऐष्णों ही हुओं चेंई।”

गलातियौं 6:18 ပူးပေါင်းရင်းမြစ်များ

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

2 कुरिन्थियों 13:14

प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

गलातियौं 3:15

ओए रै बिशवाशी भाईयों, मोऐं रौज कै जीवन शै उदारण दैय लौआ, जोबै दो लोग आपी मुंजी कौरार बानौ, तौ ना कुणिए तियौं टाल़ै सौकौ औरौ ना तिंदु किछै जोड़े सौकौ।

गलातियौं 4:12

ओए रै बिशवाशी भाईयों हांव तुऔं कैईंदै बिन्ती कौरु, मैरै भाईयों, आपी खै मूसा कै कानून शै आज़ाद कौरौ जैशै मोऐं कौरे राए, जिथुकै हांव मूसा कै कानून लैई तैशैखैई आज़ाद औसौ जैशै तुऐं हौए गौवै। तुऐं मैरी आछै शै दैखभाल कौरे।

गलातियौं 4:28

ओए रै बिशवाशी भाईयों तुऐं इसहाक कै जैशणै औसौ, जिथुकै तुऐं अब्राहम कै साथै पौरमेशवर कै वादै कै हिसाब की बौजैह शै पौयदा हौए रौवै थिए।

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

2 तीमुथियुस 4:22

हांव प्रार्थना कौरु कै पौरमेशवर औरौ तैसकै दया तोंवारै साथ रौंव।

फिलेमोन 1:25

हांव प्रार्थना कौरु कै अमारै प्रभु यीशु मसीह का अनुग्रह तुऔं पांदी बौणेयौंदा रौंव। आमीन

प्रकाशितवाक्य 22:21

हांव प्रार्थना कौरु कै प्रभु यीशु का अनुग्रह पवित्र लोगौ कै साथै रौंव। आमीन!