गलातियौं 6:17 - सिरमौरी नौवाँ नियम

¹⁷ औगौड़ियौ कै मुखै दुख ना दौ, जिथुकै मैरै शोरीर पांदी जू दाग औसौ सैजै दिखांव कै हांव यीशु का ऐक चोणेयौंदा चैला औसौ।

Sirmouri

¹⁷ हजो खे कुँऐं मुँखे दु:ख ने दियों, किन्देंखे के हाँव प्रभू यीशू के घाव आप्णी देह्-शरीर दे लागे आँदें दे:खियों फिरू।

गलातियौं 6:17 ပူးပေါင်းရင်းမြစ်များ

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

2 कुरिन्थियों 1:5

जिथुकै जैशैखै आमु मसीह दी पीड़ो सैहन कौरी तैशैखैई मसीहे बै पीड़ो सैई। तैशैखैई आमु बै मसीह कै दवारा जादा शान्तै भैटदी।

2 कुरिन्थियों 4:10

आमै सौदा तिनु चीज़ौ खै आपणै शोरीरो दै महसूस कौरु जू यीशुए महसूस कौरी जोबै सै मौरा, ताकि जू काम आमै आपणै शोरीर लैई कौरु तिथकै दवारा लोग यीशु कै जीवन कै दैख सौकौ। जिथुकै आमु जीतै ज़ी हमैशा यीशु की बौजैह शै मौत कै खतरै दै औसौ कै यीशु का जीवन अमारै नाश हौणौ वाल़ै शोरीरो दा प्रगट हौंव।

गलातियौं 1:7

सिरफ ऐकैई साचा सुसमाचार औसौ पौरौ किछै लोग मसीह कै बारै मुंजी सुसमाचार कै बिगाड़णा चांव औरौ तिनु लोगै तुऔं बैहकाए राए।

फिलिप्पियों 3:10

औरौ मसीह कै हौजौ जादा जाणणा मैरा मकसद औसौ। ताकि तैसकै मौरेयौंदे मुंजीदै जियुंदी हौणौ कै अनौखी शौकतै कै महसूस कौरे सौकु, औरौ तैसकै दुख दा शामिल हौयौ तैसकै मौत दा तैसकै जैशणा बौणै जोऊं मौत दै तैसकै जैशणै बौणैयौं तैसकै दुखो बुगणो का सहयोगी बौणै जोऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

प्रकाशितवाक्य 13:16

औरौ औकै राकसै साधारण औरौ खास, सैठ औरौ गरीब, दास या जू दास ना थी यानी सौबी लोगौ खै मजबूर कौरे कै सै आगलै राकस कौ नांव आपणै सोऐं हाथौ पांदी या आपणै माथै पांदी छपवांव।

प्रकाशितवाक्य 13:17

सिरफ सैजै ही जिनुपांदी ऐजी छाप थै किछै खरीदै या बैकै सौकौ थिए। सैजी छाप आगलै राकस कौ नांव थियु या तैसकै नांव खै दिखाणौ वाल़ा ऐक नम्बर थिया।