गलातियौं 6:14 - सिरमौरी नौवाँ नियम

¹⁴ जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

Sirmouri

¹⁴ परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

गलातियौं 6:14 ပူးပေါင်းရင်းမြစ်များ

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

रोमियों 1:16

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

रोमियों 6:2

ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

रोमियों 6:6

जिथुकै आमै जाणुए कै अमारा पुराणा पापवाल़ा स्‍वभाव मसीह कै साथै क्रूसो पांदी चौढ़ाए गौआ, ताकि अमारै शोरीर दै पाप वाल़ा स्‍वभाव खत्म हौए जांव, औरौ आमै आगै कै पाप कै गुलामी दै ना रोऊं।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

1 कुरिन्थियों 2:2

जिथुकै मोऐं ऐजौ ठाणै राए थियु, कै हांव यीशु मसीह औरौ तैसकै क्रूसो कै मौत कै अलावा कोसी बै औकै मुदै कै बारै मुंजी ना जाणु।

1 कुरिन्थियों 3:21

इथकारिए ऐक कोसी बै अगुवे का पालन कौरणौ कै बारै मुंजी घमण्‍ड कौरणा बंद कौरौ, जिथुकै पौरमेशवरे सौबै ठुँ तोंवारै भोलाए कारिए दैय राए।

2 कुरिन्थियों 11:12

पौरौ जू हांव कौरुए, सैजौई कौरदा बै रौंदा; हांव तुंआदै मौदद ना लोन्दा ताकि हांव तिनु लोगौ कै रौकै सौकु जू इयौं बातौ पांदी घमण्‍ड कौरणौ कारिए ऐक मौका चांव, कै पौरमेशवर कारिए तिनका काम अमारै काम कै बराबर औसौ।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

गलातियौं 2:17

जिथुकै मूसा कै कानून का पालन कौरेयौ कुणिए बै धरमी साबित ना हौए सौकौ किछै यहूदी लोग सुंचौ कै आमुए पाप कौरे राए, जिथुकै आमै मूसा कै कानून का पालन कौरणौ कै बजाय, धरमी साबित कौरे जाणौ कारिए मसीह पांदी भोरोशा कौरु। इथका मतलब ऐजा ना आथी कै मसीह आमु पापी बाणौ। ना! कौलोंई नी!

गलातियौं 2:19

जोबै मोऐं मूसा कै कानून का पालन कौरणौ कै कौचिश कौरे, तौ मूसा कै कानूनै मुखै दोषी ठैहरोऊवा। इथकारिए मानौ कै हांव मूसा कै कानून कारिए मौरे गौआ ताकि हांव पौरमेशवर कारिए जी सौकु।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

फिलिप्पियों 3:18

जिथुकै ऐशणै बौहितै लोग औसौ जिनकै बारै मुंजी मोऐं तुऔं कै बार बार बौल़ै राए औरौ ऐबै बै रुए-रूएयो बुलू कै जू ऐशैकै बर्ताव कौरौ औरौ दिखांव कै जैसी बौजैह शै मसीह क्रूस पांदी मौरा, सै तैसकै खिलाफ औसौ।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

कुलुस्सियों 2:20

जिथुकै तोंवारा पाप वाल़ा स्‍वभाव मसीह कै साथै मौरे गौआ इथकारिए ऐबै तुऔं दुनिया की शिक्षा कै मानणौ कै जौरुरत ना आथी। तौ हौजौ बै तुऐं किथु दुनिया कै जैशणै जिन्दगी बितांव जैशैकै दुनियाए ऐबै बै तुऔं आपणै वश दै कौरे राए?