गलातियौं 6:10 - सिरमौरी नौवाँ नियम

¹⁰ इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

Sirmouri

¹⁰ ईन्देंखे जेथै तोड़ी मोंक्का भेंटो, आँमें सोभी आरी भलाऐं करह्, प्रभू यीशू के करियों बिश्वाषी भाऐ-बऐणी आरी।

गलातियौं 6:10 ပူးပေါင်းရင်းမြစ်များ

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 5:43

तुऐं शौणै तौ राए हौल़ौ, कै मूसा कै कानून दो का लैखै राए, ‘आपणै पड़ोसी आरी तैशणा प्यार कौर जैशणा आपिआरी कौरे, औरौ आपणै बौयरीआरी बैर कौरेया।’

मरकुस 3:4

औरौ तिनुखै बौल़ौ, “का विशांव कै दूसै भौला कौरणा ठीक औसौ या बुरा कौरणा, प्राणो खै बौचाणा या मारणा?” पौरौ सै चुपी रौवै।

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

यूहन्ना 12:35

यीशुए बौल़ौ, कै पेयाशो (यीशु) ऐबै दैणिक ही सौमय तौड़ी तोंवारै बीच मुंजी औसौ, जांव तौड़ी पेयाशो तोंवारै साथै औसौ तांव तौड़ी हांडदै रौव; ऐशै नी हौंव कै इनारौ तुऔं खै हिशोए दैंव; जू इनारै दा हांडो सै ना जाणौ कै कुकै हांडै रौआ।

यूहन्ना 9:4

जांव तौड़ी दूस औसौ, आमु भैजणौवाल़ै कै काम दौ लागैयौंदो रौणौ जौरुरी औसौ, जिथुकै सैजै रात आणौवाल़ै औसौ, जिथमुंजी कुणिए बै काम ना कौरे पांदै।

प्रेरितो कै काम 6:7

औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।

2 कुरिन्थियों 2:8

इयौं बौजैह शै हांव तुऔं कैईंदी बिन्तै कौरु कै तैसीखै बौतांव कै तुऐं सौथीखै तैसीआरी प्यार कौरौ।

गलातियौं 1:23

पौरौ तिनुऐ बार-बार शुणु, कै ऐक सौमय जू अमारा सौताणौवाल़ा थिया, ऐबै यीशु मसीह दा तैसी बिशवाश का प्रचार कौरौ, जिथु सै नाश कौरणौ कै कौचिश कौरौ थिया।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

इफिसियों 3:15

सै सैजाई औसौ जू बिशवाशियौं कै पूरै परिवार का पिता औसौ जू स्वर्ग दा औसौ औरौ जू धोरती पांदी औसौ।

इफिसियों 4:28

चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

इफिसियों 5:16

औरौ सौबै मोके का इस्तैमाल जू तुऔं कैई औसौ, भोलाए कौरणौ कारिए कौरौ, जिथुकै दूस बुरै औसौ

फिलिप्पियों 4:10

हांव प्रभु दा बौहिता खुशी औसौ, कै ऐबै ऐतरै दूसौ कै बाद तुऐं ऐजा विचार कौरा औरौ मैरै मौदद कौरणौ कारिए मुखै पौयसै भैजै; पाका तुऔं शुरु दा ऐजा विचार थिया, पौरौ तुऔं मौका ना भैटी।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

1 थिस्सलुनीकियों 5:21

पौरौ हरेक सौंदेश कै जांच पड़ताल कौरौ कै सै पौरमेशवर कै ढौबौशौ औसौए कै आथी ना, जू आछै सौंदेश खै स्वीकार कौरौ औरौ तिनका पालन कौरौ।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 13:16

पौरौ भोलाए कौरणै औरौ जू किछै तुंवागै औसौ तिथु जौरुरतमंद कै दैणौ चैंई। जिथुकै पौरमेशवर ऐशणै बलिदानों लैई खुश हौंव।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

1 पतरस 4:17

जिथुकै न्याय कौरणौ का सौमय आए गौआ, कै आगै पौरमेशवर कै लोगौ का न्याय हौंदा, औरौ जोबै कै सै आगै आमु बिशवाशियौं का न्याय कौरदा, इथकारिए तिनु खतरनाक चीज़ौ कै बारै मुंजी सुंचौ जू तिनु लोगौ कै साथै हौंदी जू पौरमेशवर कै सुसमाचार खै ना मानौ।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

3 यूहन्ना 1:10

इथकारिए जोबै हांव आन्दा, तौ तोंवारै सामणै तैसकै दवारा कौरेयौंदे सौबै कामौ कै बौताए दैंदा यानी जू अमारै बारै मुंजी बुरी-बुरी बातौ बौल़ौए, औरौ ऐतरो ही नी, सै तौ आपी सुसमाचार प्रचार कौरणौवाल़ै बिशवाशी भाईयों खै ना अपनांव, औरौ जू तिनुकै अपनाणै चांव तिनुखै बै मना कौरौ औरौ तिनुखै कलीसिया दै बायरै निकाल़ै दैंव।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।

3 यूहन्ना 1:3

जिथुकै किछै बिशवाशी भाईए आयौ मुखै तैरै बारै मुंजी बौताए राए कै तू कैशैखै भोरोशे कै साथै सौचाई शै जी रौआ तौ हांव ऐजौ शोणेयो बैजाए खुशी हौआ।