गलातियौं 5:4 - सिरमौरी नौवाँ नियम

⁴ तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

Sirmouri

⁴ किन्देंखे के जुण्जे तुँऐं मूसा खे भेटे गुऐ अज्ञाँ-निय्म लई, पंण्मिश्वर के सहाम्णें धर्मी बंण्णों चहाँव; से मसीया शे दुर्के, अरह् पंण्मिश्वर की कृपा शे बाऐर असो।

गलातियौं 5:4 ပူးပေါင်းရင်းမြစ်များ

रोमियों 11:6

पौरमेशवर का तिनु चुणणा अनुग्रह लैई हौए रौआ, ऐजौ भले कामौ खै कौरणौ कै दवारा ना होई रैई। पौरौ जै कामौ कै दवारा औसौ, तौ अनुग्रह तोबै अनुग्रह ना रोई।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

गलातियौं 2:21

हांव इयौं बातौ शै भाजै ना सौकु कै पौरमेशवर आपणै अनुग्रह कै बौजैह शै आमु बौचांवे। जिथुकै जै मूसा कै कानून कै दवारा कोसी आदमी का धरमी बौणणा आसान हौंदा, तौ मसीह खै मौरणौ नी पौड़दौ थियु।

गलातियौं 5:2

हांव पौलुस, जू तुऔं कैई बौलदा लाग रौआ, तिथुकै ध्यान शै शुणौ! जै तुऐं पौरमेशवर कै नज़र दै धरमी बौणणौ कारिए खतना कौराले, तौ मसीहे जू तुऔं कारिए कौरे राए, तिथकै किछै कीमत ना रौंदै।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।