गलातियौं 5:3 - सिरमौरी नौवाँ नियम

³ मोऐं तुऔं औटेयौ चैतावणी दैय लौए कै जू आदमी इयौं उमीद लैई खतना कौरांव कै पौरमेशवर कै नज़र दै धरमी बौणै सौकौ, तौ तैसी मूसा कै कानून दी दैययौंदी हरेक आज्ञा कै मानणी पौड़दी।

Sirmouri

³ तबे भे हाँव ऐक नाँम खतना कर्णो वाल़े खे बुलू, के तेसी बादे मूसा खे भेटे गुऐ अज्ञाँ-निय्म माँन्णें पड़्दे।

गलातियौं 5:3 ပူးပေါင်းရင်းမြစ်များ

मत्ती 23:16

“ओए रै आन्धै नेताओं, तुऔं पांदी हाय, तुऐं शिखांव कै जै कुणिए आदमी मन्दिर कै शौं खाला तौ तैसीकै किछै फोरक ना पौड़ौ, पौरौ जै कुणिए मन्दिर कै सूनै कि शौं खाला तौ फोरक पौड़ौ।

मत्ती 23:18

तुऐं ऐजौ बै शिखांव कै जै कुणिए वेदी खै शौं खाला तौ किछै फोरक ना पौड़ौ, पौरौ तुऐं बौल़ौ जू तौफा वेदी पांदी औसौ, जै कुणिए तिथकै शौं खाला तौ इथलैई फोरक पौड़ौ।

लूका 16:28

जिथुकै मैरै पाँच भाए औसौ; औरौ हांव चोऊं कै सै जांव औरौ मैरै भाई खै चिताए दैंव, कोदी ऐशै नी हौंव कै सै बै इयौं पीड़ो कै ठाँव दै आंव।’

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 2:40

पतरसे बौहितै सारी बातौ बौलेयौ तिनु कैईंदै बिन्ती कौरे कै आपी खै इनु जिद्दी लोगौ शै बौचाव।

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

रोमियों 2:25

हांव ताखै किछै बौलणौ चोऊं। तैरै खतना कौरवाणौ कै कीमत सिरफ तोबै ही औसौ जौल़ौ तू मूसा कै कानून कै मानै। पौरौ जै तू सैजौ ना कौरे जू मूसा कै कानून बौल़ौ, तौ तुऐं खतना कौरेयौंदे यहूदी लोग तिनु लोगौ कै जैशणै ही औसौ जू यहूदी लोग ना आथी औरौ जिनका खतना ना हौए रैई।

गलातियौं 3:10

पौरौ मूसा कै कानून दौ लैखै राए कै जू कुणिए बै सौबी नियमौ खै ना मानौ सैजै पौरमेशवर कै शराप कै खिलाफ औसौ। इथकारिए तिनु सौबी लोगौ पांदी शराप आए गौआ जू इनु कानून का पालन कौरेयौ पौरमेशवर कै सामणै धरमी बौणणौ कै कौचिश कौरौ। जिथुकै कुणिए बै तिनु कानूनो कै पूरी तरह शै हर सौमय पालन ना कौरे सौकौ।

गलातियौं 5:2

हांव पौलुस, जू तुऔं कैई बौलदा लाग रौआ, तिथुकै ध्यान शै शुणौ! जै तुऐं पौरमेशवर कै नज़र दै धरमी बौणणौ कारिए खतना कौराले, तौ मसीहे जू तुऔं कारिए कौरे राए, तिथकै किछै कीमत ना रौंदै।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।