गलातियौं 5:24 - सिरमौरी नौवाँ नियम

²⁴ औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

Sirmouri

²⁴ अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

गलातियौं 5:24 ပူးပေါင်းရင်းမြစ်များ

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 6:6

जिथुकै आमै जाणुए कै अमारा पुराणा पापवाल़ा स्‍वभाव मसीह कै साथै क्रूसो पांदी चौढ़ाए गौआ, ताकि अमारै शोरीर दै पाप वाल़ा स्‍वभाव खत्म हौए जांव, औरौ आमै आगै कै पाप कै गुलामी दै ना रोऊं।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

1 कुरिन्थियों 3:23

औरौ तुऐं मसीह कै औधिकार कै अधीन औसौ, औरौ मसीह पौरमेशवर कै औधिकार कै अधीन औसौ।

1 कुरिन्थियों 6:13

जैशै भोजन अमारै शोरीरो कारिए औरौ शोरीर भोजन कारिए औसौ, पौरौ पौरमेशवर इथुकै औरौ तिथुकै दुईनै खै नाश कौरदा, शोरीर गौलत सौमबंध राखणौ कारिए ना आथी, औरौ आमु आपणै शोरीर का इस्तैमाल तिनु कामौ कारिए कौरणा चैंई जू प्रभु चांव। अमारा शोरीर प्रभु का औसौ।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

गलातियौं 5:20

मूर्तिपूजा, जादू टोना, बैर झोगड़ा, तिनु चीज़ौ खै पाणौ कै लालसा जू ओकी लोगौ कैंई औसौ, गुस्सा, विरोध, फूट, गुटबाजी,

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 3:1

जिथुकै पौरमेशवरे तुऔं बैगानै यहूदी लोगौ कै खातिर ऐजौ सौबै कौरौ, हांव पौलुस, तुऔं कारिए प्रार्थना कौरु। हांव ज़ेलो दा औसौ जिथुकै हांव तुऔं कारिए मसीह यीशु कै सेवा कौरु।

इफिसियों 3:11

पौरमेशवरे दुनिया बाणणौ दै आगै इथकै योजना बाणै, जियौं तैणै अमारै प्रभु मसीह यीशु कै दवारा पोरे कौरे।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

कुलुस्सियों 2:11

जोबै तुऐं मसीह पांदी बिशवाश कौरा तौ तोंवारा खतना आदमी कै दवारा ना होई जैशै यहूदी लोग कौरौ पौरौ मसीह कै दवारा सैजा खतना हौए रौआ जू तोंवारै पाप कौरणौवाल़ै स्‍वभाव कै हटायो दूर कौरौ।

1 पतरस 2:11

ओए रै बिशवाशी भाईयों तुऐं आपी खै इयौं दुनिया दै प्रदेशी औरौ यात्री कै जैशणै सौमझौ। हांव तुऔं खै चैतावणी दियु कै शोरीर की सौबी बुरी इछा शै बौचौ जिथुकै सै तोंवारै आपणै आत्माओं कै खिलाफ हमैशा विरोध कौरौ।