गलातियौं 5:22 - सिरमौरी नौवाँ नियम

²² सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

Sirmouri

²² परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

गलातियौं 5:22 ပူးပေါင်းရင်းမြစ်များ

मत्ती 12:33

“जै डाल़ बै आछा औसौ, तौ तैसकै फल़ बै आछै हौंदै, जै डाल़ खराब औसौ, तौ तिथकै फल़ बै खराब ही हौन्दै, जिथुखै डाल़ फल़ शै ही पोछैयाणै जांव।

लूका 13:9

जै आगलै साल फोल़ आंव तौ आछौ, नी तौ ऐसी काटै दैया।”

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

यूहन्ना 15:5

हांव बैल औसौ, तुऐं शाई औसौ। जू मुं दै बौणैयौंदे रौंव, औरौ हांव तिनुदा बोणेयोंदा रौंऊ; औरौ सै बैजाए फोल़ लांव, जिथुकै मुं दै जौई हौयौ तुऐं किछै ना कौरे सौकौ।

रोमियों 14:17

जिथुकै पौरमेशवर कै राज्य दो खाणौ पिणु खास ना आथी। खास बात ऐजी औसौ कै पौरमेशवर कै साथै सोही जीवन जिणा, पवित्र आत्मा दै शान्तै औरौ खुशी औसौ।

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

रोमियों 15:3

जिथुकै मसीहे आपी कै खुशी ना कौरी, पौरौ जैशैखै पवित्र शास्त्र दो लैखै राए, “जिनु लोगै तैरै बैज्जती कौरे, तिनुऐ मैरै बै बैज्जती कौरे।”

रोमियों 15:30

ओए रै बिशवाशी भाईयों; प्रभु यीशु मसीह दै अमारै बिशवाश कै बौजैह शै औरौ पवित्र आत्माए जू आमु प्यार दैय राए, तिथकै बौजैह शै, हांव तुंआदै बिन्ती कौरु, कै तुऐं मैरै खातिर पौरमेशवर शै बैजाए ही ईमानदारी शै प्रार्थना कौरौ।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

रोमियों 8:5

सैजै लोग जू पापी स्‍वभाव कै दवारा काबू कौरे जांव सैजै लोग पाप कै बातौ कै बारै मुंजी सुंचौए, पौरौ सैजै लोग जू पवित्र आत्मा कै दवारा चलाए जांव सै तिनु बातौ कै बारै मुंजी सुंचौ जू आत्मा कै खुश कौरौ।

1 कुरिन्थियों 13:13

इथकारिए, ऐबै, इनु ती भान्त कै कामौ खै आमु कौरणा चैंई: पौरमेशवर पांदी बिशवाश कौरौ, पौरमेशवर कै वादै पांदी आशा राखौ, औरौ ओकीआरी प्यार कौरौ। पौरौ इनु ती बातो मुंजी दी, ओकीआरी प्यार कौरणा ही सौबिदी बौड़ी बात औसौ।

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

इफिसियों 4:23

पौरौ, पवित्र आत्मा कै तोंवारै विचारो औरौ बर्ताव कै नौवाँ कौरणौ दौ।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

2 थिस्सलुनीकियों 3:2

ऐजी बै प्रार्थना कौरौ कै पौरमेशवर आमु दुष्ट औरौ बुरै लोगौ कै दवारा नुकसान हौणौ शै बौचांव, जिथुकै बौहितै सारै लोग सुसमाचार कै शोणेयो बिशवाश ना कौरौ।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।