गलातियौं 5:2 - सिरमौरी नौवाँ नियम

² हांव पौलुस, जू तुऔं कैई बौलदा लाग रौआ, तिथुकै ध्यान शै शुणौ! जै तुऐं पौरमेशवर कै नज़र दै धरमी बौणणौ कारिए खतना कौराले, तौ मसीहे जू तुऔं कारिए कौरे राए, तिथकै किछै कीमत ना रौंदै।

Sirmouri

² शुणों! हाँव पौलुस तुँओं खे बुलू, के जे खतना कराले, तअ मसीया कैई शा तुँओं किऐ भे फाय्दा ने भेट्दी।

गलातियौं 5:2 ပူးပေါင်းရင်းမြစ်များ

प्रेरितो कै काम 15:1

तोबै किछै य‌हूदी बिशवाशी यहूदिया प्रदेश शै अन्‍ताकिया शहर खै आए औरौ बिशवाशियौं खै शिखांदै लागै कै, “जै मूसा कै कानून कै हिसाब शै तोंवारा खतना ना हौं तौ तुऐं उध्दार ना पाए सौकौ।”

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

प्रेरितो कै काम 15:5

पौरौ फरीसी लोगौ कै गुट मुंजीदै जिनुवै बिशवाश कौरे राए थिया, “तिनुमुंजी दै कैतरै बिज़यो बौल़ौ, तिनु बैगानै यहूदी लोगौ खै खतना कौरणौ कै औरौ मूसा कै कानून खै मानणौ कै आज्ञा दैणी चैंई।”

1 कुरिन्थियों 16:21

हांव पौलुस तुऔं खै आपणै हाथौ लैई नमशकार लिखु: जै कुणिए प्रभु आरी प्यार ना राखौ तौ सै शरापित औसौ।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

1 थिस्सलुनीकियों 2:18

इथकारिए आमै (यानी मोऐं पौलुसे) एकबेई नी, पौरौ बार-बार तोंवारै धोरे आणौ चोऊं, पौरौ शैतानै आमुखै तोंवारै धोरे आणौ शै रौकै राए।

फिलेमोन 1:19

मोऐं पौलुसे आपणै हाथौ लैई लैखै लौ कै हांव इथु चुकाए दैंदा हालांकि तू औगौड़ियौ दो ही जाणै कै जै हांव तैरै मौदद नै कौरदा, तौ तू आपी शै ऐसी नौवें जीवन कै ना जौए सौकदा, इथकारिए तू आपणै पूरै जीवन भर मैरा कर्जदार औसौ।

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।