गलातियौं 5:13 - सिरमौरी नौवाँ नियम

¹³ ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

Sirmouri

¹³ हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

गलातियौं 5:13 ပူးပေါင်းရင်းမြစ်များ

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

प्रेरितो कै काम 20:35

मोऐं तुऔं सौबै ठुँ कौरेयौ दिखाए राए, कै ऐशैखैई मैहनत कौरेयौ कमजोर लोगौ खै सोम्‍भाल़ो, औरौ प्रभु यीशु कै वचनो खै याद राखणै जौरुरी औसौ, तैणै आपी ही बौल़ै राए: लोणो शै दैणौ बढ़िया औसौ।”

1 कुरिन्थियों 8:9

पौरौ चौकश रौया, ऐशै नै हौंव, कै तोंवारै ऐजै आज़ादी बिश‍वाशौ दै कमजोर लोगौ कारिए पापौ कै बौजैह बौणौ।

1 कुरिन्थियों 9:19

इथका मतलब ऐजा औसौ कै हांव लोगौ कै बातौ खै मानणौ कारिए मजबूर ना आथी, सिरफ इथकारिए कै सै मैरा खोर्चा उठांव, तोबै बै हांव हर कोसी का दास बौणै गौआ ताकि हांव तिनुखै मसीह दै लाए सौकु।

2 कुरिन्थियों 12:15

हांव तोंवारै खातिर बैजाए खुशी शै आपणौ सौबै ठुँ तुऔं दैय दैंदा, यानी कै आपणै जिन्दगी बै दैय दैंदा। जिथुकै हांव तुऔंआरी बैजाए प्यार कौरु, पौरौ मैरै ऐशै जाणियौ कै तुऐं मुं आरी कम प्यार कौरौ।

2 कुरिन्थियों 2:8

इयौं बौजैह शै हांव तुऔं कैईंदी बिन्तै कौरु कै तैसीखै बौतांव कै तुऐं सौथीखै तैसीआरी प्यार कौरौ।

2 कुरिन्थियों 3:17

प्रभु तौ आत्मा औसौ: औरौ जिथै कौथी प्रभु का आत्मा औसौ तिथै पुराणै कौरार शै आज़ादी औसौ।

2 कुरिन्थियों 4:5

जिथुकै आमै आपी खै नी, पौरौ मसीह यीशु का प्रचार कौरु, कै यीशु मसीह प्रभु औसौ औरौ तैसकै बारै मुंजी ऐजौई बौल़ौ, कै आमै यीशु की बौजैह शै तोंवारै सेवक औसौ।

गलातियौं 4:22

तिंदु ऐजौ लैखै राए कै, अब्राहम कै दो बैटै थिए; हाजिरा नांव कै ऐक बैटमाणिश जू कै तैसकै घोरवाल़ी कै दासी थी, तैसकै ऐक बैटै कै जन्म दिया, औरौ तैसकै घोरवाल़ी साराए दूजै बैटै कै जन्म दिया।

गलातियौं 5:1

मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

गलातियौं 5:14

जिथुकै सौबी मूसा कै कानून का निचोड़ इयौं ऐक आज्ञा दा बौताए राए कै तू आपणै पड़ोसी आरी तैशणा प्यार कौर जैशणा आपी आरी कौरे।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

गलातियौं 6:2

तुऐं ऐकी-दूजै कै भार खै साझा कौरौ। ऐशैखैई तुऐं सैजौई कौरदै, जू मसीह चांव कै तुऐं कौरौ।

इफिसियों 5:21

औरौ मसीह कै प्रति खुशी शै औरौ भोक्‍ती राखणौ कै बौजैह शै, तुऐं ऐकी दूजै कै अधीन रौव।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।