गलातियौं 5:1 - सिरमौरी नौवाँ नियम

¹ मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।

Sirmouri

¹ मसीया ऐ आँमों अजाद करी थुऐ, जू आँमें अजादी का मंज्जा लऐ सको, ईन्देंखे आप्णें बिश्वाष पाक्का थुऐ, अरह् हजो मूसा खे भेटे गुऐ अज्ञाँ-निय्म के गुलाम ने बंणें।

गलातियौं 5:1 ပူးပေါင်းရင်းမြစ်များ

मत्ती 23:4

सैजै सौबै ठुँ कै कानून बौणांव जू मानणै लोगौ कारिए चैईथै औसौ, सै लोगौ शै जबरदस्ती तिनु नियमौ खै मानणौ खै बौल़ौ। पौरौ आपी तिनु नियमौ खै ना मानौ।

लूका 5:38

पौरौ नौवाँ रस नौवें खोलड़ै दा भोरणा चैंई।

प्रेरितो कै काम 15:10

तौ हौजौ तुऐं बैगानै यहूदी लोगौ खै इनु सौबी नियम-कानूनो कै मानणौ कारिए जोर जबरदस्ती किथु कौरे लोए। जोबै पौरमेशवरे दिखाए राए कै तिनु तिनकै नियम-कानूनो कै मानणौ कै जौरुरत ना आथी। जिनु ना अमारै बुड़ेईके मानी औरौ ना आमै यहूदी मानै सौकौ।

रोमियों 6:14

तोबै तुऔं पांदी पाप कै शौकतै का कुणजाई औधिकार ना आथी, जिथुकै तुऐं मूसा कै कानून कै अधीन नी पौरौ पौरमेशवर कै अनुग्रह कै अधीन जियौं।

रोमियों 6:18

औरौ पौरमेशवरे तुऔं पाप कै शौकतै शै छुड़ाए राए बल्कि तुऐं पौरमेशवर कै दास बौणै गौवै ताकि सैजौ कौरौ जू सोही औसौ।

रोमियों 7:3

इथकारिए जै घोरवाल़ै कै जीतै जी सै कोसी ओकी आदमी कै हौए जांव, तौ सै गौलत सौमबंध वाल़ी बौणौ, पौरौ जै घोरवाल़ा मौरे जांव, तौ सै तैसी नियम पौरैशै छुटै गौए, इथै तौड़ी कै जै कोसी ओकी मर्द कै हौए जांव तौ सै गौलत सौमबंध वाल़ी ना ठोहरदै।

रोमियों 7:6

पौरौ आमै तैसी नियम कारिए मौरे गौवै थिए जैणै आमु बोन्दी बाणै राए थिए, ऐबै नियम पौरैशै ऐशै छुटै गौवै, कै ऐबै आमु पौरमेशवर कै सेवा पुराणै तरीकै शै लिखित नियम कै मानणौ कै दवारा ना कौरु, पौरौ नौवें तरीकै शै पौरमेशवर कै आत्मा कै अगुवाई कै दवारा कौरु।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

2 कुरिन्थियों 11:20

जिथुकै जोबै तुऔं कुणिए दास बाणै दैंव, या सैजौ सौबै आगु कौरौ जू तुंवागै औसौए, या तुऔं धौखा दैंव, या आपी खै तुऔं दा ऊबा राखौ, या तोंवारै मुँह पांदी पौटाका लांव, तौ तुऐं सैय सौकौ।

2 कुरिन्थियों 3:17

प्रभु तौ आत्मा औसौ: औरौ जिथै कौथी प्रभु का आत्मा औसौ तिथै पुराणै कौरार शै आज़ादी औसौ।

गलातियौं 3:25

पौरौ ऐबै जोबै कै आमुए मसीह पांदी आपणा बिशवाश राखै राए, तौ ऐबै अमारी मौदद कौरणौ कारिए औरौ अमारा मार्गदर्शन कौरणौ कारिए मूसा कै कानून कै जौरुरत ना आथी।

गलातियौं 4:26

पौरौ सारा यरूशलेम शहर कै दरशांव, जू स्वर्ग दौ औसौ। सै आज़ाद बैटमाणिश औसौ औरौ तियौंकै नानड़िया बै आज़ाद औसौ। सैजै नानड़िया आमै सौबै बिशवाशी औसौ, जिनकै माँ सारा औसौ।

गलातियौं 4:31

इथकारिए ओए रै मैरै बिशवाशी भाईयों, आमै दासी बैटमाणिश यानी मूसा कै कानून कै नानड़िया ना आथी, पौरौ बिशवाश कौरणौ कै बौजैह शै आज़ाद बैटमाणिश कै नानड़िया औसौ।

गलातियौं 4:9

पौरौ ऐबै तौ तुऐं पौरमेशवर कै जाणौए, यानी पौरमेशवर तुऔं खै जाणौए, तौ तोबै तुऐं कमजोर औरौ निकमी आदि शिक्षाओं कै दास बौणणौ कारिए किथु पाछु जांदै लागै रौवै, का तुऔं औटेयौ तिनका ही दास बौणणौ कै लालसा औसौ?

गलातियौं 5:13

ओए रै बिशवाशी भाईयों तुऔं पौरमेशवर कै दवारा आज़ाद हौणौ कारिए चोणे राए इथकारिए ऐबै तुऔं मूसा कै कानून का पालन नी कौरणा चैंई। पौरौ आपणी शोरीर कै इछाओं कै पूरा कौरणौ का मौका नी दैंव। पौरौ आपणी आज़ादी का इस्तैमाल प्यार शै ऐकी दूजै कै सेवा कौरणौ कारिए कौरौ।

इफिसियों 6:14

पौरमेशवर कै सच कै आपणै कमर दै बेल्ट कै जैशणै बानै पाव, औरौ धार्मिकता कै कवच कै जैशणा बाम्बै पाव।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

1 थिस्सलुनीकियों 3:8

जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

2 थिस्सलुनीकियों 2:15

इथकारिए ओए रै बिशवाशी भाईयों, तिनु बातौ पांदी बिशवाश कौरदै रौव जू आमुए तुऔं शिखाए रैई थी, जोबै आमै तोंवारै साथै थिए या जू चिट्ठी आमुए भैजै।

इब्रानियों 10:23

ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

यहूदा 1:3

ओए रै मैरै साथी बिशवाशियौं, भलैई हांव तुऔं पौरमेशवर कै मोक्ति कै बारै मुंजी बैजाए लिखणु चोऊं थिया, जिथमुंजी आमै सौबै शामिल औसौ, हांव जरुरत महसूस कौरु कै हांव तुऔं कै हिम्मत दैणौ कारिए लिखु कै जैसी सौचाई पांदी आमै बिशवाश कौरु। पौरमेशवरे आपणै पवित्र लोगौ खै ऐजै सौचाई ऐक बैई हमैशा कारिए दैय राए जू कौलोंई ना बौदलौ।

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।