गलातियौं 4:4 - सिरमौरी नौवाँ नियम

⁴ जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

Sirmouri

⁴ परह् जबे ठीक मोंक्का भेटा, तअ पंण्मिश्वर ऐ आप्णा बैटा डेयाल़ा, जू तिरंई शा पय्दा हुआ; अरह् निय्मों के बष दा जीयों थिया।

गलातियौं 4:4 ပူးပေါင်းရင်းမြစ်များ

मत्ती 1:23

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

मत्ती 3:15

पौरौ यीशुए तैसीखै ऐजा जोवाब दिया, “ऐबै तू ऐशैखैई हौणौ दै, जिथुखै आमुखै ऐशैखैई सैजौ सौबै पूरु कौरणौ जू पौरमेशवर कारिए जौरुरी औसौ।” औरौ तोबै यूहन्नाए तैसकै बात मानै पाए।

मत्ती 5:17

“ऐशैखै ना सोंचैया कै हांव मूसा कै कानून औरौ पौरमेशवर कै बातौ बौताणौवाल़ै कै लेखो कै मिटांदा आए रौआ, हांव मिटाणो कारिए नै पौरौ पूरा कौरदा आए रौआ।

मरकुस 1:15

औरौ तैणै बौल़ौ, “पौरमेशवरे जैसी दूसौ कै कौरार दैय राखै थी सैजौ दूस आए गौ, औरौ पौरमेशवर का राज्य नेड़िक आए गौआ; पाप कौरणै छोड़े दौ औरौ सुसमाचार पांदी बिशवाश कौरौ।”

लूका 1:31

दैख, तू होल़किंदी, औरौ तैरै ऐक बैटा पौयदा हौंदा; तू तैसकौ नांव यीशु राखैया।

लूका 1:35

स्‍वर्गदूतै तियौं जोवाब दिया, “पवित्र आत्मा तांव पांदी उतौरदा औरौ सौबीदै बौड़ै पौरमेशवर कै अनौखी शौकतै तांव पांदी छाया कौरदै; इथकारिए जू तांव पौरैशा पौयदा हौंदा सै पवित्र बैटा हौंदा औरौ सै पौरमेशवर का बैटा बोला जाला।

लूका 20:44

ऐशैखैई राजा दाऊद तैसीखै प्रभु बौल़ौ, तौ सै तैसका बैटा कैशै बौणा?”

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

प्रेरितो कै काम 1:7

यीशुए तिनुखै बौल़ौ, “तैसी सौमय औरौ काल़ो खै जाणणौ कै जौरुरत तुऔं ना आथी सिरफ मैरै पिता पौरमेशवर कै धोरे ही तिथु तय कौरणौ का औधिकार औसौ।

रोमियों 1:3

ऐजा सुसमाचार अमारै प्रभु यीशु मसीह जू पौरमेशवर का बैटा औसौ तैसकै बारै दा औसौ, जू राजा दाऊद कै पीढ़ी दा पौयदा हौआ।

रोमियों 15:8

इथकारिए हांव बुलू मसीह, यहूदियों का सेवक ऐजौ बौताणौ कारिए बौणा, कै पौरमेशवर वादै खै पूरा कौरणौ कारिए साचा औसौ, जू तैणै तिनकै पुराणिया शै कौरे राए थिए।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

रोमियों 8:3

जिथुकै जू काम मूसा कै कानून अमारै पापी स्‍वभाव दै कमजोर हौयौ ना कौरे सौकी, तैसी काम कै पौरमेशवरे कौरा, यानी आपणै ही बैटै कै अमारै जैशणा आदमी हौणौ कारिए, औरौ अमारै पापौ कै बलिदान हौणौ कारिए भैजा। आपणै बैटै कै शोरीर कै दवारा पौरमेशवरे पाप कै शौकतै कै मिटाए दी।

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

इफिसियों 1:10

औरौ पौरमेशवर कै योजना ऐजै औसौ कै सोही सौमय पांदी, जू किछै स्वर्ग औरौ धोरती पांदी औसौ, तिनु सौबी कै मसीह कै औधिकार तौड़ी कौरदा।

कुलुस्सियों 2:14

औरौ ऐजौ ऐशै थियु जैशै पौरमेशवरे अमारै पापौ कै लैख किताब पौरैशै मिटाए दिए जिथमुंजी अमारै खिलाफ आरोप लैखै राए थिए; औरौ मसीह कै क्रूस पांदी चौढ़ाए जाणौ शै तैणै तिनु लेखो कै मिटाए दिए।

1 तीमुथियुस 2:6

मसीहे पाप औरौ मौत कै शौकतै शै सौबी लोगौ खै आज़ाद कौरणौ कारिए आपी खै बलिदान कौरा। तैसकै मौत कै दवारा, पौरमेशवरे सोही सौमय पांदी सबूत दिया कै सै सौबी लोगौ खै बौचाणा चांव।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

इब्रानियों 9:10

जिथुकै सैजै नियम सिरफ लोगौ कै खाणौ-पिणौ औरौ शोरीरो खै ठीक ढंग शै धौणौ कै बारै मुंजी बौतांव जिथकै दवारा लोग बायरी तौर शै साफ हौए जांव। इनु नियमौ खै तांव तौड़ी मानणै पौड़ौ थिए जांव तौड़ी कै पौरमेशवरे आपणा नौवाँ सौमझौता शुरु नी कौरा।

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।

1 यूहन्ना 4:2

पौरमेशवर कै आत्मा कै तुऐं ऐशैखै पौछेयाणै सौकौ, कै जू कुणिए आदमी ऐजौ मानै पांव कै यीशु मसीह ऐक आदमी कै रुप दा आए रौआ औरौ सै पौरमेशवर कै ढौबौशा औसौ।