गलातियौं 4:30 - सिरमौरी नौवाँ नियम

³⁰ तिथ बारै मुंजी पवित्र शास्त्र का बौल़ौ? गुलाम बैटमाणिश औरौ तैसकै बैटै कैईंदा छुटकारा पाए पा। जिथुकै दासी कै बैटै का आज़ाद घोरवाल़ी कै बैटै कै साथै बापू कै जायदात का हकदार ना हौंदा।

Sirmouri

³⁰ परह् पबित्र-ग्रन्थों का बुलो? के “दासी अरह् तियारा बैटा निकाल़ी दियों, किन्देंखे के दासी का बैटा आप्णी घरवाल़ी के बैटे के गईलो, हंकदार वारिस ने हंदी।”

गलातियौं 4:30 ပူးပေါင်းရင်းမြစ်များ

यूहन्ना 8:35

औरौ ऐक गुलाम सौदा अमारै कुड़बे का हिस्सेदार ना हौंव; पौरौ बैटा सौदा कुड़बे का हिस्सेदार हौंव।

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

रोमियों 4:3

पवित्र शास्त्र का बौल़ौ? ऐजौ कै, “अब्राहमै पौरमेशवर कै वादै पांदी बिशवाश कौरा, औरौ पौरमेशवरे तैसी धरमी साबित कौरा।”

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।

गलातियौं 3:8

पवित्र शास्त्र दौ बैजाए सौमय आगै ऐजौ लैखै राए थियु, कै पौरमेशवर बैगानै यहूदी लोगौ खै बिशवाश कै आधार पांदी धरमी साबित कौरदा, ऐजौ हौणौ दै आगै पौरमेशवरे अब्राहम खै ऐजा आछा सौंदेश बौताए दिया थिया, “कै तैरै दवारा, हांव इयौं दुनिया कै सौबी लोगौ खै आशीष दैंदा।”

गलातियौं 4:22

तिंदु ऐजौ लैखै राए कै, अब्राहम कै दो बैटै थिए; हाजिरा नांव कै ऐक बैटमाणिश जू कै तैसकै घोरवाल़ी कै दासी थी, तैसकै ऐक बैटै कै जन्म दिया, औरौ तैसकै घोरवाल़ी साराए दूजै बैटै कै जन्म दिया।

गलातियौं 4:31

इथकारिए ओए रै मैरै बिशवाशी भाईयों, आमै दासी बैटमाणिश यानी मूसा कै कानून कै नानड़िया ना आथी, पौरौ बिशवाश कौरणौ कै बौजैह शै आज़ाद बैटमाणिश कै नानड़िया औसौ।

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?