गलातियौं 4:19 - सिरमौरी नौवाँ नियम

¹⁹ मैरै प्यारे नानड़िया, जैशैखै ऐक बैटमाणिश होल़किणु कै सौमय पीड़ो महसूस कौरौ, तैशैखैई मोऐं एकबेई औटेयौ तोंवारै खातिर पीड़ो झैलू। हांव ऐसी पीड़ा दा तांव तौड़ी रौंदा जांव तौड़ी तुऐं मसीह दै मोजबूत ना हौए जांव।

Sirmouri

¹⁹ हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

गलातियौं 4:19 ပူးပေါင်းရင်းမြစ်များ

लूका 22:44

सै जादा बैचैन हौयौ हौजौ बै जादा प्रार्थना कौरदा लागा; औरौ तैसका पसीना मानौ लोऊ की बौड़ै-बौड़ै टिपू साए धोरती पांदी छुटदा लागै रौवा थिया।

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

रोमियों 8:29

जिथुकै जिनु तैणै आगै दै उंडै चोणे राए औरौ तिनुकै आगै ही दै उंडै ठोहराए राए ताकि सै आपणै बैटै कै जैशणा हौए जाला औरौ तैसका बैटा सौबी भाईयों मुंजीदा जैठा हौंदा।

2 कुरिन्थियों 12:14

ऐबै, हांव तिजाल़ियों तोंवारै धोरे आणौ खै तैयार औसौ, औरौ औटेयौ हांव तुऔं कैईंदै कुणजै मौदद ना माँगदा। जिथुकै हांव तोंवारै जायदात नी, पौरौ तुऔं ही खै चोऊं। जिथुकै नानड़िया खै माँ-बापू कारिए धन कौठा नी कौरणा चैंई, पौरौ माँ-बापू खै नानड़िया कारिए धन कौठा कौरणा चैंई।

इफिसियों 4:13

ऐजौ तांव तौड़ी जारी रौंदौ जांव तौड़ी कै आमै आपणै बिशवाश औरौ पौरमेशवर कै बैटै कै बारै मुंजी आपणी सौमझ दै एकजुट ना हौए जोऊं। तांव तौड़ी आमै मोजबूत हौए जांदै, जैशैकै मसीह औसौ, औरौ आमु पूरी तरह शै तैसकै जैशणै हौए जांदै।

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

फिलिप्पियों 2:5

जैशै मसीह यीशु का स्‍वभाव थिया, तैशैखैई तोंवारा बै स्‍वभाव हौंव;

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:1

हांव चोऊं कै तुऐं जाणै पाव, कै जू लौदीकिया नोगर दै औसौ, औरौ तिनु सौबै लोगौ कारिए जिनुवारी हांव ना भैटी रैई, हांव कैतरै मैहनत कौरु।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 2:7

पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

1 तीमुथियुस 1:2

मोऐं ऐजै चिट्ठी तीमुथियुस कै लैखै लोए। तू मैरै आपणै बैटै कै जैशणा औसौ जिथुकै तू बै मसीह दा बिशवाश कौरे: हांव प्रार्थना कौरु कै पिता पौरमेशवर औरौ अमारै प्रभु यीशु मसीह दै ताखै अनुग्रह औरौ दया, औरौ शान्तै भैटदै रौंव।

तीतुस 1:4

मोऐं ऐजै चिट्ठी तीतुस कै लैखै लोए। तू मैरै बैटै कै जैशणा औसौ जिथुकै तू बै मसीह दा बिशवाश कौरे जैशै हांव कौरु: हांव प्रार्थना कौरु कै पिता पौरमेशवर औरौ अमारै उध्दारकर्ता मसीह यीशु तुऔं अनुग्रह औरौ शान्तै दैंदा रौंव।

फिलेमोन 1:10

हांव उनेसिमुस कारिए बिन्ती कौरु, जू मैरै बैटै कै जैशणा औसौ। जोबै हांव कोयदी खाने दा थिया तौ ऐजा ऐबै मसीह दा मैरा बैटा बौणै गौआ।

फिलेमोन 1:19

मोऐं पौलुसे आपणै हाथौ लैई लैखै लौ कै हांव इथु चुकाए दैंदा हालांकि तू औगौड़ियौ दो ही जाणै कै जै हांव तैरै मौदद नै कौरदा, तौ तू आपी शै ऐसी नौवें जीवन कै ना जौए सौकदा, इथकारिए तू आपणै पूरै जीवन भर मैरा कर्जदार औसौ।

इब्रानियों 5:7

जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

1 यूहन्ना 2:12

ओए रै नानड़िया, हांव तुऔं इथकारिए लिखु कै यीशु मसीह कै नांव शै तोंवारै पाप माफ हौए रौवै।

1 यूहन्ना 5:21

ओए रै नानड़िया, आपी कै ऐशणी बातो औरौ चीज़ौ शै दूर राखौ जू तोंवारै दिल दै पौरमेशवर कै जौगैह लौए सौकौ।

3 यूहन्ना 1:4

जोबै बै हांव ऐजौ शुणु कै सैजै लोग मैरै नानड़िया कै जैशणै औसौ औरौ सौचाई कै हिसाब शै जी रौवै तौ ऐजै बात मुखै हौजौ बै खुशी कौरे दैंव।