गलातियौं 4:17 - सिरमौरी नौवाँ नियम

¹⁷ झूठै शिक्षक तुऔं आपणै ढौबौ कौरणौ कै खुशी थिए। तिनका मकसद तोंवारै भोलाए का ना आथी तिनका मतलब तौ तुऔं मुंवादा जौई कौरणा औसौ ताकि तुऐं तिनकै चैलै बौणै जांव।

Sirmouri

¹⁷ से तुँओं दोस्त्त तअ बाँण्णें चहाँव, परह् तुवाँरे भेले खे ने; परह् से तुओं ज़ई-ज़ई कर्णे चहाँव; के तुऐं आपु तिनू ही आप्णें दोस्त्त बाँणों।

गलातियौं 4:17 ပူးပေါင်းရင်းမြစ်များ

मत्ती 23:15

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं ऐकी आदमी खै आपणै गुट दा लाणौ कारिए सौबी जौगैह दै घुमो फिरो, औरौ जोबै सै बिशवाश दा आए जांव, तौ तैसी आपी दा बै जादा नरको दा जाणौ कै लायक बाणै दैंव।”

रोमियों 10:2

जिथुकै हांव तिनुकै गवाही दियु, कै तिनुखै पौरमेशवर कै खातिर जोश रौंव, पौरौ पौरमेशवर कै सेवा कैशै कौरणै चैंई, इथकै बारै मुंजी तिनकै सौमझ सोही ना आथी।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

1 कुरिन्थियों 11:2

हांव तोंवारै तारीफ कौरु कै तुऐं हर सौमय मुखै याद राखौ औरौ तिनु शिक्षाओं खै मोजबूती शै पालन कौरौ, जैशणी मोऐं तुऔं सौंपै रैई थी।

1 कुरिन्थियों 4:18

तोंवारै बीच मुंजी किछै लोग सुंचौए कै हांव तुऔंआरी भैटिंदा ना ओऊवा, औरौ इथकारिए सै घमण्डी हौए गौवै।

1 कुरिन्थियों 4:8

तुऐं सौमझौ कै तुऔं कैई आत्मिक रुप शै जौरुरत कि सौब चीज़ौ औसौ। तोंवारै जाणियौ कै तुऔं कैई आगै ही सौबै खास तागत औसौ जू पवित्र आत्मा लोगौ कै दैंव। तुऐं सुंचौए कै तुऐं अमारै बिना राजाओं कै जैशणै शासन कौरणा शुरु कौरे राए मुखै खुशी हौंदै जै तुऐं सौथीखै राजाओं कै जैशणै शासन कौरणा शुरु कौरे दैंदै ताकि आमु बै तोंवारै साथै शासन कौरे सौकु।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

गलातियौं 4:16

तौ का तुऔं कैई साचौ बौलणौ कै बौजैह शै हांव तोंवारा दुशमन हौए गौआ।

गलातियौं 4:18

हमैशा ही आछै मकसद कारिए खुशी हौणौ आछौ औसौ औरौ सिरफ तैसी सौमय नी, जोबै हांव तोंवारै बीच मुंजी मौजूद रोऊं।

फिलिप्पियों 2:21

सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।