गलातियौं 4:14 - सिरमौरी नौवाँ नियम

¹⁴ औरौ मैरी बीमारीए तुऔं कारिए बैजाए पौरैशानै पौयदा कौरे। पौरौ तुऐं मुखै जलील ना कौरी औरौ तुऐं मुखै बायरै बै ना घाड़ी। पौरौ तुऐं मैरा ऐशणा स्‍वागत कौरा, मानौ हांव पौरमेशवर का स्‍वर्गदूत या आपी यीशु मसीह औसौ।

Sirmouri

¹⁴ अरह् तुँऐं भे मेरी देह्-शरीर की दषा जिन्दें लई तुँवारी परख करी गऐ थी, तिन्दें लई तुँऐं मुँह छोटा ने जाँणी; अरह् मुँह शी नफरत ने करी, परह् तुँऐं पंण्मिश्वर का स्वर्गदूत्त के जेष्णाँ मेरा आदर करा, जेष्णाँ के हाँव आपु मसीया यीशू ही थिया।

गलातियौं 4:14 ပူးပေါင်းရင်းမြစ်များ

मत्ती 10:40

“जू कुणिए मैरै नांव शै तुऔं खै अपनांव, सै मुखै अपनांव; औरौ जू कुणिए मुखै अपनांव, सै पौरमेशवर कै अपनांव, जैणै मुखै छाड़ै राए।

मत्ती 18:5

औरौ जू कुणिए मैरै नांव शै ऐक ऐशणै नानड़िया खै अपनांव सै मुखै अपनांव।

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

यूहन्ना 13:20

हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

1 कुरिन्थियों 1:28

पौरमेशवरे तिनुखै चुणै, जू दुनिया कै नज़र दै नीच औसौ, बैकार औसौ औरौ जू कुछ बै ना आथी ताकि ऐजै लोग तिनु लोगौ कै बैकार कौरे दैंव, जू दुनिया दै खास सौमझै जांव।

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 4:13

तुऔं याद हौल़ौ कै जोबै हांव बीमारी कै बौजैह शै आगलै बैई तोंवारै धोरे सुसमाचार का प्रचार कौरदा ओऊवा।

गलातियौं 4:15

तैसी सौमय तुऐं बैजाए खुश थिए। तोंवारै सैजी खुशी ऐबै कुकै औसौ? हांव सौथीखै ऐजौ बौल़ै सौकु कै तुऐं मैरै खातिर किछै बै कौरणौ कारिए तैयार थिए; जै हौए सौकदौ तौ तुऐं आपणी आखी बै घाड़ैबा मुखै दैय दैंदै।

1 थिस्सलुनीकियों 2:13

आमै बै पौरमेशवर का धन्यवाद सौदा कौरु; कै जोबै अमारै दवारा पौरमेशवर कै सुसमाचार का सैजा सौंदेश शुणा जू आमुए तोंवारै बीच दा प्रचार कौरा, तौ तुऐं तैसी आदमियों का नी, पौरौ पौरमेशवर का सौंदेश सौमझेयौ स्वीकार कौरा औरौ ऐबै पौरमेशवर का ऐजा सौंदेश तुऔं दा काम कौरौ जू मसीह पांदी बिशवाश कौरौ।

1 थिस्सलुनीकियों 4:8

इथकारिए जू इनु नियमौ खै ना मानौ, सै आदमी कै नी, पौरौ पौरमेशवर कै नियमौ खै ना मानौ, जैणै आपणा पवित्र आत्मा तुऔं खै दैय राए।

इब्रानियों 13:2

अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।