गलातियौं 3:29 - सिरमौरी नौवाँ नियम

²⁹ जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।

Sirmouri

²⁹ अरह् जे तुँऐं मसीया के असो, तअ अब्राहम के बंष अरह् बाय्दें के हिसाब शे वारिस मतल्व हंकदार भे असो।

गलातियौं 3:29 ပူးပေါင်းရင်းမြစ်များ

मत्ती 3:9

औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ। हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

1 कुरिन्थियों 15:23

पौरौ हरेक आदमी बारी-बारी शै जियुंदी हौंदा: मसीह पौयला आदमी थिया जैसी जियुंदी कौरा तोबै जौल़ौ मसीह पाछु आन्दा तौ सैजै सौब जू तैसकै करीब रौंव मसीह दै तिनु औटेयौ जियुंदी कौरदै।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

गलातियौं 3:18

जिथुकै पौरमेशवर आमु आपणै आशीष इथकारिए ना दैंव जिथुकै आमु मूसा कै कानून का पालन कौरु थिए, पौरौ सै इथकारिए दैंव जिथुकै तैणै इथका वादा कौरे राए थिया। तैशैखैई, पौरमेशवरे ऐजौ अब्राहम खै दियु जिथुकै तैणै तैसीआरी इथका वादा कौरे राए थिया।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 3:7

तुऔं ऐजौ सौमझणौ चैंई कै जू लोग अब्राहम कै जैशणै पौरमेशवर पांदी बिशवाश कौरौ, सैजैई अब्राहम कै साची सन्‍तान औसौ।

गलातियौं 4:1

हांव ऐशैकै सौमझौऊं कै बैटा आपणै बापू कै जायदात का मालिक हौंदा, पौरौ जांव तौड़ी सै नानड़ा औसौ, तौ सै ऐक गुलाम कै जैशणा औसौ। तैसका इबी तौड़ी ऐसी पांदी औधिकार ना आथी हालांकि सै तैसी सौबै ठुँ का मालिक बौणदा जू तैसकै बापू कु औसौ।

गलातियौं 4:7

इथकारिए ऐबै आमु दास ना आथी, पौरौ आमु पौरमेशवर कै नानड़िया बौणै गौवै, तौ सै आमु सैजौ सौबै ठुँ दैंदा जू किछै तैसीकैईं तैसकै नानड़िया कै खातिर औसौ।

गलातियौं 5:24

औरौ जोबै लोग मसीह यीशु आरी सौमबंध राखौ तौ सै आपणै पापी स्‍वभाव कै दवारा ना चालौ। ऐजै ऐशणै औसौ जैशै तिनका स्‍वभाव मानौ क्रूस पांदी चौढ़ाए राए।

गलातियौं 6:16

जू लोग ऐसी नियम का पालन कौरौ पौरमेशवर तिनु सौबी लोगौ पांदी दया कौरौ औरौ सै शान्तै शै रौंव। सैजैई पौरमेशवर कै दवारा चोणेयौंदे लोग औसौ।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

तीतुस 3:7

पौरमेशवरे ऐशै इथकारिए कौरौ ताकि आपणै अनुग्रह शै सै आमु आपणै साथै सोही ठोहराए सौकौ, औरौ आमै तैसकै संतान बौणै सौकु औरौ इथकारिए बिशवाश कै साथै सौदा आशा राखै सौकु।

इब्रानियों 1:14

तोबै स्‍वर्गदूतौ कै हौणौ का, का मकसद औसौ? सै सिरफ पौरमेशवर कै सेवक औसौ; जू पौरमेशवर कै दवारा तिनु लोगौ कै मौदद कौरणौ कारिए छाड़ै जांव जू उध्दार पांव।

इब्रानियों 11:7

बिशवाश लैई ही नूह खै जोबै पौरमेशवर तैसी ऐक बाढ़ कै बारै मुंजी चैतावणी दैय जू तैणै इबी ना दैखै रैई थी, तोबै बै तैणै चैतावणी पायौ पौरमेशवर आरी बैजाए डौर कै साथै आपणै परिवार कै बौचाणौ कारिए जहाज बाणौ, नूह कै बिशवाश शै औकै लोग जिनुवै बिशवाश ना कौरी, दोषी ठौहरै। औरौ नूह आपणै बिशवाश लैई ही पौरमेशवर की नज़र दा धरमी बौणा

इब्रानियों 6:17

इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

प्रकाशितवाक्य 21:7

जू जीत हासिल कौरौ, सै मुंकैई दी इनु सौबी आशीषौ खै पांदा; औरौ हांव तैसका पौरमेशवर हौंदा, औरौ सै मैरा बैटा हौंदा।