गलातियौं 3:25 - सिरमौरी नौवाँ नियम

²⁵ पौरौ ऐबै जोबै कै आमुए मसीह पांदी आपणा बिशवाश राखै राए, तौ ऐबै अमारी मौदद कौरणौ कारिए औरौ अमारा मार्गदर्शन कौरणौ कारिए मूसा कै कानून कै जौरुरत ना आथी।

Sirmouri

²⁵ परह् जबे बिश्वाष आऐं गुआ, तअ आँमें तबे निय्म की शिक्क्षा के बष दे ने रंई।

गलातियौं 3:25 ပူးပေါင်းရင်းမြစ်များ

रोमियों 6:14

तोबै तुऔं पांदी पाप कै शौकतै का कुणजाई औधिकार ना आथी, जिथुकै तुऐं मूसा कै कानून कै अधीन नी पौरौ पौरमेशवर कै अनुग्रह कै अधीन जियौं।

रोमियों 7:4

तौ ओए रै मैरै बिशवाशी भाईयों, जोबै तुऐं मसीह कै साथै मौरे गौवै, तौ तुऐं नियम कै औधिकार कारिए बै मौरे गौवै। ऐबै तुऐं मसीह कै औसौ जू मौत पौरैशा जियुंदी हौए गौआ ताकि तुऐं पौरमेशवर कारिए फलदायक जीवन जी सौकौ।

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

गलातियौं 3:24

इथकारिए मसीह कै आणौ तौड़ी मूसा कै कानून अमारै मौदद कौरणौ कारिए औरौ अमारै दैखभाल कौरणौ कारिए दैय राए थिए, ताकि यीशु मसीह दै बिशवाश कौरणौ कै दवारा पौरमेशवर कै सामणै धरमी साबित हौंव।