गलातियौं 3:23 - सिरमौरी नौवाँ नियम

²³ पौरौ इदा आगै मसीह ओऊवा औरौ आमु तैसी पांदी बिशवाश कौरे सौकु, मसीह कै आणौ दै औगौड़ियौ, आमु यहूदियों कै कैद दै राखै राए थिए औरौ मूसा कै कानून अमारै रोखवाल़ी कौरौ थिए।

Sirmouri

²³ परह् ऐसी बिश्वाष के आँणों शे आगे निय्म के बष दे रंऐयों अमाँरी देख-भाल़ हों थी; अरह् तेसी बिश्वाष के आँणों तोड़ी, जू पर्गटा हंणों वाल़ा थिया; तिन्दें शे आगे आँमें कय्दी जिऐं मूसा खे भेटे गुऐ ज्ञाँन-निय्म दे बोंने रंह् थिऐ।

गलातियौं 3:23 ပူးပေါင်းရင်းမြစ်များ

यूहन्ना 3:34

जैसी पौरमेशवरे छाड़ै राए, सै पौरमेशवर की बातौ बौलदा: जिथुकै पौरमेशवरे तैसी पवित्र आत्मा भरपूरी शै दैय राए।

रोमियों 11:32

जिथुकै पौरमेशवर सौबी लोगौ कै ठुकराणो कै रजामंदी दैंव, ताकि सै सौबी लोगौ पांदी आपणै दया दिखाए सौकौ।

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

गलातियौं 3:19

तौ तोबै मूसा कै कानून किथु दैय राए? सै तौ अपराधौ कै बौजैह शै बाद दै दैय राए, पौरमेशवरे कानून कै रचना ऐशैखै कौरे राए थै कै ऐजौ तैसी सौमय तौड़ी लागू रौंदौ जांव तौड़ी कै अब्राहम कै वंश, मसीह नी आला; ऐजौ तैसी वंश कै बारै मुंजी थियु जिथका पौरमेशवरे वादा कौरे राए थिया। पौरमेशवरे आपणै कानून कै स्‍वर्गदूतौ कै दवारा मूसा कै दियै। मूसा ही पौरमेशवर औरौ लोगौ कै बीच मुंजी बीचोलिया थिया।

गलातियौं 4:21

औरौ तुऐं जू मूसा कै कानून कै अधीन हौणा चांव! मैरै बात शुणौ! हांव तुऔं बौतांदा कै पवित्र शास्त्र दौ, मूसा कै कानून कै किताब दो का लैखै राए।

गलातियौं 5:18

पौरौ जै तुऐं पवित्र आत्मा कै काबू दै हौयौ चालौ तौ मूसा कै कानून कै अधीन ना रौं।

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।