गलातियौं 3:18 - सिरमौरी नौवाँ नियम

¹⁸ जिथुकै पौरमेशवर आमु आपणै आशीष इथकारिए ना दैंव जिथुकै आमु मूसा कै कानून का पालन कौरु थिए, पौरौ सै इथकारिए दैंव जिथुकै तैणै इथका वादा कौरे राए थिया। तैशैखैई, पौरमेशवरे ऐजौ अब्राहम खै दियु जिथुकै तैणै तैसीआरी इथका वादा कौरे राए थिया।

Sirmouri

¹⁸ किन्देंखे के जे हंक-अधिकार मूसा खे भेटे गुऐ अज्ञा-निय्म गाशी टिका अंदा हंदा, तअ तबे से बाय्दा गाशी ने टिक्दी थी, परह् पंण्मिश्वर ऐ हंक-अधिकार बाय्दे के जाँणें ऐई मुँझी अब्राहम खे दिता थिया।

गलातियौं 3:18 ပူးပေါင်းရင်းမြစ်များ

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

गलातियौं 2:21

हांव इयौं बातौ शै भाजै ना सौकु कै पौरमेशवर आपणै अनुग्रह कै बौजैह शै आमु बौचांवे। जिथुकै जै मूसा कै कानून कै दवारा कोसी आदमी का धरमी बौणणा आसान हौंदा, तौ मसीह खै मौरणौ नी पौड़दौ थियु।

गलातियौं 3:10

पौरौ मूसा कै कानून दौ लैखै राए कै जू कुणिए बै सौबी नियमौ खै ना मानौ सैजै पौरमेशवर कै शराप कै खिलाफ औसौ। इथकारिए तिनु सौबी लोगौ पांदी शराप आए गौआ जू इनु कानून का पालन कौरेयौ पौरमेशवर कै सामणै धरमी बौणणौ कै कौचिश कौरौ। जिथुकै कुणिए बै तिनु कानूनो कै पूरी तरह शै हर सौमय पालन ना कौरे सौकौ।

गलातियौं 3:12

मूसा कै कानून कै नियमौ का पालन कौरेयौ जीणु औरौ पौरमेशवर पांदी भोरोशा कौरेयौ जीणु ऐक जैशणौ ना आथी; जैशैकै पवित्र शास्त्र दु लैखै राए, जू मूसा कै कानून कै सौबी बातौ का पालन कौरला, तैसी मूसा कै कानून कै दवारा ही जिन्दगी भैटदै।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 3:29

जिथुकै तुऐं मसीह कै साथै एकजुट औसौ, ऐबै तुऐं अब्राहम कै परिवार का हिस्सा औसौ औरौ तुऐं पौरमेशवर कै दवारा वादा कौरेयौंदी आशीष दै वारिस बौणै गौवै।