गलातियौं 3:17 - सिरमौरी नौवाँ नियम

¹⁷ जू मोऐं बौल़ै लौ तिथका मतलब ऐजा औसौ कै पौरमेशवरे अब्राहम कै साथै ऐक कौरार बानै राए थै यानी तियौं पूरै कौरणौ कै प्रतिज्ञा बै कौरे राए थै। कौरार बानणो कै चार शौ तीस सालो बाद देएयोंदे मूसा कै कानून ना तौ पौरमेशवर कै कौरार कै मिटाए सौकौ। औरौ ना ही पौरमेशवर कै प्रतिज्ञा कै बैकार बाणै सौकौ।

Sirmouri

¹⁷ परह् मतल्व ऐजा असो, जुण्जा बाय्दा पंण्मिश्वरे आगे ही पाक्का करी थुवा थिया; सेजा चार षौ तीष बर्ष पाछी आँणों वाल़ा, मूसा खे भेटे गुऐ अज्ञा-निय्म के रित्ती शा ने बद्ल़ी सको थिया; अरह् ना ही बाय्दा बै-कार बाँणा ज़ाँव थिया।

गलातियौं 3:17 ပူးပေါင်းရင်းမြစ်များ

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

प्रेरितो कै काम 7:6

औरौ पौरमेशवरे तैसीखै ऐजौ बै बौल़ौ, ‘तैरै सन्‍तान कै लोग पोराये देशो दै प्रदेशी हौंदै, औरौ सैजै लोग तिनु गुलाम बाणै दैंदै औरौ चार शौ सालो तौड़ी तिनकै साथै बुरा बर्ताव कौरदै।’

रोमियों 3:25

पौरमेशवरे मसीह कै बलिदान कै रुप दा भैजा, मसीहे आपणा लोऊ बौऊवा, इथकारिए मसीह पांदी बिशवाश कै दवारा आमै पौरमेशवर कै धोरे आए सौकु, औरौ पौरमेशवरे ऐजौ इथकारिए कौरौ ताकि सै ऐजौ दिखाए सौकौ कै पुराणै सौमय दौ तैणै सोही कौरौ जोबै तैणै पापी लोगौ कै माफ कौरणौ दा सब्र दिखोऊवा। औरौ ऐजी बातौ ऐजौ दिखांव कै पौरमेशवर सोही औसौ जोबै सै यीशु पांदी बिशवाश कौरणौवाल़ै खै अपनांव।

रोमियों 3:3

जै कुणिए यहूदी लोग पौरमेशवर आरी धोकैबाज निकल़ै तौ तिनकौ का हौंदौ? का तिनकै धोकैबाज हौणौ कै बावजूद बै पौरमेशवर तिनकै साथै आपणै वादै कै पूरा कौरणौ दा भरोसेमंद ना हौंदा।

1 कुरिन्थियों 1:12

मैरै बौलणौ का मतलब ऐजा औसौ, कै तुऔं मुंजीदै कुणिए तौ आपी खै बौल़ौए, “हांव पौलुस का चैला औसौ,” कुणिए बौल़ौ “हांव अपुल्लोस का चैला औसौ,” तौ कुणिए बौल़ौ “हांव पतरस (कैफा) का चैला, या हांव मसीह का चैला औसौ।”

1 कुरिन्थियों 1:17

जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

1 कुरिन्थियों 10:19

मोऐं ऐजौ बौल़ै लौ कै मूर्ति सौथीखै देवता ना आथी, औरौ तिनुखै चौढ़ाएयौंदो बलिदान किछै मतलब ना राखौ।

1 कुरिन्थियों 7:29

ओए रै बिशवाशी भाईयों, हांव ऐजौ बुलू मसीह कै पाछु आणौ दा ऐबै जादा सौमय ना बौचै रैई, इथकारिए तुंआरी घोरवाल़ी औसौ या ना आथी, इथकै बारै मुंजी जादा पौरैशान नी हौया। पौरौ प्रभु कै सेवा कौरणौ कै बारै मुंजी सुंचदै रौया।

2 कुरिन्थियों 1:20

जिथुकै पौरमेशवर कै जैतरै वादै औसौ, सैजै सौबै मसीह दै पूरै हौंव, इथकारिए आमै आमीन बुलू, कै अमारै दवारा पौरमेशवर कै महिमा हौंव।

2 कुरिन्थियों 9:6

पौरौ बात तौ ऐजै औसौ जू ठिकु बौंव, सै ठिकु ही काटदा; औरौ जू जादा बौंव, सै जादा काटदा।

गलातियौं 3:15

ओए रै बिशवाशी भाईयों, मोऐं रौज कै जीवन शै उदारण दैय लौआ, जोबै दो लोग आपी मुंजी कौरार बानौ, तौ ना कुणिए तियौं टाल़ै सौकौ औरौ ना तिंदु किछै जोड़े सौकौ।

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

गलातियौं 5:16

पौरौ हांव बुलू, पवित्र आत्मा खै तुऔं खै काबू दै कौरणौ दौ। तोबै तुऐं सैजौ ना कौरदै जिथका तोंवारा पापी स्‍वभाव लालसा कौरौ।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

इफिसियों 2:12

तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

कुलुस्सियों 2:4

हांव ऐजौ इथकारिए बुलू कै कुणिए आदमै तुऔं झूठी शिक्षाओं पांदी बिशवाश कौरणौ कारिए राजी कौरेयौ धौखा नै दैंव

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

इब्रानियों 7:18

मूसा कै कानून सैजौ ना कौर सौकी जू इनु कौरणौ चैंई थियु, ऐजै कानून कुणजैई काम कै ना आथी, इनु बौदलै राए।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।