गलातियौं 3:14 - सिरमौरी नौवाँ नियम

¹⁴ मसीहे ऐशै इथकारिए कौरौ ताकि बैगानै यहूदी लोगौ खै सैजी आशीषौ भैटौ जिथका वादा पौरमेशवरे अब्राहम कै साथै मसीह यीशु कै दवारा कौरे राए थिया औरौ मसीह दै बिशवाश कै दवारा, आमुए पौरमेशवर का पवित्र आत्मा पाए राए जिथका तैणै आमु दैणौ का वादा कौरे राए।

Sirmouri

¹⁴ मसीया ऐ आँमों ईन्देंखे छुड़ोऐ, के इब्राहम खे दिता गुआ आशिर्बाद मसीया यीशू के कारण गऐर यहूदियों खे भे भेटी सको, जू बिश्वाष के कारण आँमें तियों पबित्र-आत्त्मा पाँऐ सको; जिन्दें का बाय्दा करी थुवा थिया।

गलातियौं 3:14 ပူးပေါင်းရင်းမြစ်များ

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

प्रेरितो कै काम 2:33

ऐबै सै स्वर्ग दा पौरमेशवर कै सोऐं हाथौ कै सौबी दै बौड़ै इज्जत वाल़ै ठाँव पांदी बौठेयौंदा औसौ। औरौ पिताए जैशै तैणै वादा कौरे राए थिया, तैसीखै पवित्र आत्मा दै औरौ तैणै पवित्र आत्मा आमु दै, जैसी ऐलो तुऐं दैखौ औरौ शुणौए।

प्रेरितो कै काम 4:12

यीशु कै सिवाए कोसी ओकी कै दवारा उध्दार ना आथी जिथु स्वर्ग कै धैनै आदमी मुंजीदा ओका कुणजाई बै नांव ना दैय रैई, जैसकै दवारा आमै उध्दार पाए सौकु।”

प्रेरितो कै काम 5:32

औरौ आमै इनु बातौ कै गवाह औसौ, औरौ तैशैकैई पवित्र आत्मा बै, जैसी पौरमेशवरे तिनु दैय राए जू तैसकी आज्ञा मानौ।”

1 कुरिन्थियों 12:13

जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

गलातियौं 3:16

ऐशैखैई पौरमेशवरे अब्राहम शै वादा कौरे राए कै हर कुणिए तैरै ऐक वंशज कै दवारा आशीष पांदा; पवित्र शास्त्र ऐजौ ना बौल़ौ, औरौ तैरै वंशो कै खातिर औरौ जू बौहितौ कै बारै मुंजी बौल़ै राए, पौरौ जू ऐकी कै बारै दौ बौल़ै राए “तैरै वंश खै” औरौ सै मसीह औसौ।

गलातियौं 3:2

हांव तुऔं कैईंदा ऐक सवाल पूछणा चोऊं का तुऔं पवित्र आत्मा मूसा कै कानून का पालन कौरणौ लैई भैटौ, ना! बिल्कुल नी! तुऔं पवित्र आत्मा भैटा जिथुकै तुऐं तैसी सौंदेश पांदी बिशवाश कौरा जू तुऐं मसीह कै बारै मुंजी शुणा।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 2:22

ओए रै बैगानै बिशवाशी जिथुकै तुऐं मसीह कै साथै एकजुट औसौ, इथकारिए तुऔं बै पौरमेशवर कै ओकी लोगौ कै साथै जोड़े लौवै। ताकि तुऐं ऐशणा घोर बौणै जांव जिथै पौरमेशवर का आत्मा रौंव।

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 3:9

बुराई कै बौदलै बुराए ना कौरौ औरौ ना गाल़ी खै बौदलै गाल़ी दैव; पौरौ इथकै बौदलै आशीष ही दैंव: पौरमेशवरे तुऔं बौएदै राए ताकि तुऐं ओकी खै आशीष दैय सौकौ। जै तुऐं ऐशै कौरलै तौ पौरमेशवर बै तुऔं आशीष दैंदा।