गलातियौं 3:1 - सिरमौरी नौवाँ नियम

¹ ओए रै नासमझ, गलातिया शहर कै बिशवाशियौं, मोऐं तौ स्पष्ट रुप शै औरौ आछी तरह शै तुऔं सौमझाए राए थिए, कै यीशु मसीह तुऔं कारिए क्रूसो पांदी किथु मौरा, तौ तोबै तुऐं तैसी कैईंदै दूर कैशै हौटै गौवै? कोसीए तुऔं धौखा दैय दिया।

Sirmouri

¹ ओ, बै-अकले गलातियों के लोग, तुँओं कैथु ऐ भूचै? तुँवारी तअ आँ:खी के सहाम्णें प्रभू यीशू मसीया शुँल़ी-फ़ाँशी चड़ाऐयों दे:खाऐं थुऐ थिऐ!

गलातियौं 3:1 ပူးပေါင်းရင်းမြစ်များ

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 7:26

पौरौ जू कुणिए मैरी ऐजी बातौ शुणल़ा औरौ तिनु पांदी ना हांडला, सै तैसी मूर्ख आदमी कै जैशणा औसौ, जैणै आपणौ घोर रैतौ पांदी बाणौ।

लूका 24:25

तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ।

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 6:7

औरौ पौरमेशवर का वचन फौयल़दा गौआ औरौ यरूशलेम शहर दै चैलै कै गिनती बैजाए बौढ़दै गौए औरौ बौड़ी संख्या दै यहूदी पुरोहिते बै यीशु मसीह पांदी बिशवाश कौरणौ कै ऐसी सौंदेश कै मानै पोऊवा।

रोमियों 10:16

पौरौ सौबीए तैसी सुसमाचार पांदी बिशवाश ना कौरी। पौरमेशवर कै बातौ बौताणौवाल़ै यशायाहै बौल़ौ, “ओए रै प्रभु, कोसीए बै अमारै सौंदेश पांदी बिशवाश ना कौरी।”

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 11:26

हर सौमय जोबै तुऐं ऐजी रोटी खालै औरौ ऐसी छानै पौरैशौ अंगूर का रस पिलै, तौ प्रभु कै मौत खै जांव तौड़ी सै ना आंव, तुऐं प्रचार कौरौ।

1 कुरिन्थियों 2:2

जिथुकै मोऐं ऐजौ ठाणै राए थियु, कै हांव यीशु मसीह औरौ तैसकै क्रूसो कै मौत कै अलावा कोसी बै औकै मुदै कै बारै मुंजी ना जाणु।

2 कुरिन्थियों 10:5

आमै मन बातौ खै, औरौ हरेक ऊंची बातौ खै, जू पौरमेशवर कै पौछेयाण कै खिलाफ उठौ, इन्कार कौरु, औरौ हरेक ख्याल काबू दै लायौ मसीह कै आज्ञाकारी बाणै दियु।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

गलातियौं 1:2

हांव औरौ मैरै साथै इथै जिशैक बिशवाशी भाईटु औसौ, गलातिया प्रदेश कै सौबी कलीसियाओं खै बिशवाशियौं कै नमशकार बुलू।

गलातियौं 1:6

हांव हैरान औसौ, कै पौरमेशवरे तुऔं खै अनुग्रह दै रौणौ कारिए बौएदै राए औरौ तोबै बै तुऐं ऐतरै तावल़ै बौदलैयौ औकै शिक्षा कै मानै पाए।

गलातियौं 2:14

पौरौ जोबै मोऐं दैखौ, कै सैजै सौथीखै तियौं सौचाई का पालन ना कौरौ जू सुसमाचार बौतांव, तौ मोऐं जौल़ौ ऐकी दूसै पतरस अन्‍ताकिया शहर खै ओऊवा, तौ लोगौ कै सामणै तैसी फिटका, कै तू ऐक यहूदी हौयौ बै, बैगानै यहूदी लोगौ खै भोवार का पालन कौरे औरौ यहूदियों कै भोवार का पालन ना कौरे।

गलातियौं 3:3

का तुऐं इशैक नासमझ औसौ? कि तुऐं जू काम पवित्र आत्मा कै दवारा मसीह कै साथै आपणै नोऐं जिन्दगी कै शुरुआत कौरी, का यौं जिन्दगी ऐबै आदमी कै कामौ कै दवारा खत्म कौरणै चांव?

गलातियौं 4:9

पौरौ ऐबै तौ तुऐं पौरमेशवर कै जाणौए, यानी पौरमेशवर तुऔं खै जाणौए, तौ तोबै तुऐं कमजोर औरौ निकमी आदि शिक्षाओं कै दास बौणणौ कारिए किथु पाछु जांदै लागै रौवै, का तुऔं औटेयौ तिनका ही दास बौणणौ कै लालसा औसौ?

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

इफिसियों 5:15

इथकारिए ध्यान शै दैखौ, कै आपणै स्‍वभाव कै बारै मुंजी खास कौरेयौ चौकश रौंव; निर्बुध्दि कै जैशणै नी पौरौ बुध्दिमान कै जैशणै हांडो।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

1 तीमुथियुस 6:4

तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

इब्रानियों 11:8

बिशवाश लैई अब्राहम जोबै पौरमेशवरे तैसी ऐकी जौगैह पांदी जाणौ कारिए बौईदा तौ आज्ञा मानैयौ ऐशणै जौगैह दा हौटा जू पौरमेशवर तैसी आपणै जायदात कै रुप दा दैणा चांव थिया औरौ ऐजौ ना जाणौ थिया, कै हांव कुकै जांदा; तोबै बै हौटै गौआ।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 4:17

जिथुकै न्याय कौरणौ का सौमय आए गौआ, कै आगै पौरमेशवर कै लोगौ का न्याय हौंदा, औरौ जोबै कै सै आगै आमु बिशवाशियौं का न्याय कौरदा, इथकारिए तिनु खतरनाक चीज़ौ कै बारै मुंजी सुंचौ जू तिनु लोगौ कै साथै हौंदी जू पौरमेशवर कै सुसमाचार खै ना मानौ।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

प्रकाशितवाक्य 18:3

ऐजौ इथ बौजैह शै हौंदौ जिथुकै तियैं बैटमाणिशै जू कै बाबेल शहर औसौ, हरेक राज्य कै सौबै लोगौ खै सैजै सूर पिलाए जू कै तैसकै मूर्ति कै पूजा औसौ। सारै धोरती कै राजा तैसकै गौंदै कामौ दै शामिल हुवे। धोरती कै व्यापारी तियौं बैटमाणिशौ कै मौंगै-मौंगै चीज़ौ कै इछा कै बौजैह शै सैठ बौणै गौवै।

प्रकाशितवाक्य 2:20

पौरौ मुखै तुऔंआरी ऐजी शिकायत औसौ, कै तुऐं तियौं बैटमाणिश इजेबेल खै झूठी शिक्षा फोयलाणो दैंव। सै बौल़ौए कै सै ऐक पौरमेशवर कै बातौ बौताणौवाल़ी औसौ, पौरौ आपणी शिक्षाओं लैई सै मैरै लोगौ खै गौलत सौमबंध कै पापौ दै शामिल हौणौ कारिए औरौ मूर्ति खै चौढ़ाए जाणौवाल़ै खाणौं खाणौ कारिए भरमांव।”