गलातियौं 2:6 - सिरमौरी नौवाँ नियम

⁶ तोबै यरूशलेम शहर कै कलीसिया कै तिनु अगुवे मैरै शिक्षा दै किछै बै मिलावट ना कौरी, मुखै इयौं बातौ लैई किछै फर्क ना पौड़ौ कै सैजै अगुवे किशैक रुतबे वाल़ै मानै जांव थिए, जिथुकै पौरमेशवर बायरौ का रुप दैखैयो न्याय ना कौरौ।

Sirmouri

⁶ परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

गलातियौं 2:6 ပူးပေါင်းရင်းမြစ်များ

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मरकुस 12:14

तिनुऐ आयौ तैसीखै बौल़ौ, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बुलले। औरौ तू सौबी खै साथै ऐक जैशणा बर्ताव कौरे चाहै कुणिए बै हौं, पौरौ तू पौरमेशवर कै बाट सोच्‍चाई सै बौताए। तौ का रोम कै महाराजा खै मूसा कै कानून कै हिसाब शै आमुखै कर दैणौ चैंई या ना दैणौ चैंई?”

लूका 20:21

तिनुऐ तैसीयांदो ऐजौ पूछु, “ओए रै गुरुजी आमु जाणुए कै तू ठीक बौल़ै, औरौ शिखाए बै औसौ औरौ कोसीआरी भैदभाव ना कौरे; औरौ पौरमेशवर कै बाट सौचाई सै बौताए।

प्रेरितो कै काम 10:34

तोबै पतरसे बौल़ौ, ऐबै मुखै बिशवाश हौए गौआ, कै पौरमेशवर कोसी का पक्ष ना लोंव,

प्रेरितो कै काम 5:36

जिथुखै इनु दूसौ दै औगौड़ियौ थियूदास ऐजा दावा कौरौ थिया कै हांव बै किछै औसौ औरौ कुणिए चार शौ लोग तैसकै चैलै बौणै गौवै। पौरौ सै मौरे गौआ, औरौ जैतरै लोग तैसी मानौ थिए, सौबै लोग बैखरै गौवै औरौ तिनका नामोनिशान बै ना रोई।

रोमियों 2:11

जिथुकै पौरमेशवर सौबी लोगौ का न्याय ऐकैई तरीकै शै कौरौ।

2 कुरिन्थियों 11:5

मैरै जाणियौ कै हांव तिनुदा आछा औसौ जिशैक सैजै लोग जू ऐशैकै दिखावा कौरौ कै सै सौबी चोणेयौंदे चैलै मुंजीदै बौड़ै औसौ।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 5:16

इथकारिए ऐबै आमुए आदमी कै नज़र शै कोसी का न्याय ना कौरु। हां ऐक सौमय थिया, जोबै आमुए मसीह खै आदमी कै नज़र शै दैखा, पौरौ ऐबै आमु ऐशै ना कौरु।

गलातियौं 2:2

औरौ हांव तिथै हौटा जिथुकै पौरमेशवरे मुखै जाणौ खै बौल़ौ, औरौ जोबै हांव तिथै थिया तौ अगुवो आरी ऐक-ऐक कौरेयौ भैटिया औरौ तिनु तैसी सुसमाचार कै बारै मुंजी बौतौऊ जू मोऐं बैगानै यहूदी लोगौ कै बीच मुंजी प्रचार कौरे राए थिया तिथै मोऐं एकान्त दै जायौ अगुवो खै सौमझाए दियै, ताकि ऐशै ना हौंव, कै जू मोऐं पाछै कौरे राए थियु तिथका किछै नतीजा निकल़ौ।

गलातियौं 6:3

जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।