गलातियौं 2:17 - सिरमौरी नौवाँ नियम

¹⁷ जिथुकै मूसा कै कानून का पालन कौरेयौ कुणिए बै धरमी साबित ना हौए सौकौ किछै यहूदी लोग सुंचौ कै आमुए पाप कौरे राए, जिथुकै आमै मूसा कै कानून का पालन कौरणौ कै बजाय, धरमी साबित कौरे जाणौ कारिए मसीह पांदी भोरोशा कौरु। इथका मतलब ऐजा ना आथी कै मसीह आमु पापी बाणौ। ना! कौलोंई नी!

Sirmouri

¹⁷ आँमें जू पंण्मिश्वर के सहाम्णें मसीया गाशी बिश्वाष कर्णो शे धर्मी बंणों चहाँव, से जे आपु ही पापी बंण्ले, तअ कियों मसीया पाप खे बड़ावा दियों? बिल्कुल नें!

गलातियौं 2:17 ပူးပေါင်းရင်းမြစ်များ

मत्ती 1:21

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

लूका 20:16

सै आयौ तिनु किसानो कै मारै दैंदा, औरौ अंगूरो कै बागड़ी ओकी कै दैय दैंदा।” ऐजौ शोणेयो तिनुऐ बौल़ौ, “पौरमेशवर ऐशै ना कौरौ।”

रोमियों 11:7

भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

रोमियों 15:8

इथकारिए हांव बुलू मसीह, यहूदियों का सेवक ऐजौ बौताणौ कारिए बौणा, कै पौरमेशवर वादै खै पूरा कौरणौ कारिए साचा औसौ, जू तैणै तिनकै पुराणिया शै कौरे राए थिए।

रोमियों 3:4

ना! बिल्कुल नी! यानी पौरमेशवर सौदा साचौ बौल़ौ औरौ हरेक आदमी झूठा ठौहरौ, जैशैकै पवित्र शास्त्र पौरमेशवर कै बारै मुंजी बौल़ौए, “जिथलैई तू आपणी बातौ दा धरमी ठोहरदा औरौ न्याय कौरदै सौमय तू जय पाला।”

रोमियों 3:6

ना! बिल्कुल नी! जै पौरमेशवर ठीक शै यहूदी लोगौ का न्याय नी कौरदा तौ ऐजै बात जाणै बौझेयौंदे औसौ कै सै ओकी लोगौ का न्याय बै सोही तरीकै शै ना कौरे सौकौ।

गलातियौं 2:11

जोबै ऐक दूस पतरस अन्‍ताकिया शहर दा ओऊवा, तौ मोऐं लोगौ खै सामणै तैसी फिटका, जिथुखै सै सोही काम ना कौरौ थिया।

गलातियौं 2:15

आमै जू जन्म कै यहूदी औसौ, औरौ सैजै नी जिनु यहूदी बैगानै पापी बौल़ौ।

गलातियौं 3:21

का इथका मतलब ऐजा औसौ कै मूसा कै कानून प्रतिज्ञाओ कै खिलाफ औसौ? ना! बिल्कुल नी! जिथुकै जै मूसा कै कानून आमु सौदा कै जिन्दगी दैय सौकौ, तौ आमु इथका पालन कौरेयौ पौरमेशवर कै साथै सोही हौए सौकु थिए।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इब्रानियों 8:2

औरौ अमारा महायहूदी पुरोहित पवित्र ठाँव दै सेवा कौरौ, यानी स्वर्ग दै साची मिलाप कै तोम्बू दै, जू आदमी कै दवारा नी पौरौ पौरमेशवर कै दवारा बाणै राए।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।