गलातियौं 2:12 - सिरमौरी नौवाँ नियम

¹² पतरस बैगानै यहूदी लोगौ कै साथै खाणौ खाया कौरौ थिया कै जांव तौड़ी कै यरूशलेम शहर दै याकूब कै भैजैयौंदे किछै बिशवाशी अन्‍ताकिया शहर दै ना आई। तैणै तिनु लोगौ खै डौर शै ऐशै कौरौ जू चांव थिए कै बैगानै यहूदी लोगौ का बै खतना हौणा चैंई।

Sirmouri

¹² ईन्देंखे के याकूब के ढबे शे किऐ लोगो के आँणों शे आगे से गऐर यहूदी लोगो आरी खाणों खे खाँव थिया, परह् जबे से आऐं, तअ यहूदी लोगो के डर के मारे से गऐर यहूदी लोगो आरी शा पाछू फीरा, अरह् तबे से गऐर यहूदी लोगो आरी शा ज़ई हुआ।

गलातियौं 2:12 ပူးပေါင်းရင်းမြစ်များ

लूका 15:2

पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।”

लूका 5:38

पौरौ नौवाँ रस नौवें खोलड़ै दा भोरणा चैंई।

प्रेरितो कै काम 10:28

पतरसे तिनुकै बौल़ौ, “तुऐं जाणौए, कै बैगानै यहूदी लोगौ कै संगति कौरणै या तिनकै इथै जाणौ आमु यहूदी लोगौ कारिए अमारै कानून कै खिलाफ औसौ, पौरौ पौरमेशवरे मुखै बौताए राए कै कोसी आदमी कै अपवित्र या अशुध्द ना बुलू।

प्रेरितो कै काम 12:17

तोबै तैणै तिनु हाथौ लैई इशारा कौरा कै चुपी रो; औरौ तिनु बौतौऊ कै प्रभुए कैशैकै मुखै कोयदै पौरैशा निकाल़ैयो लाए राए। हौजौ बौल़ौ, “याकूब औरौ तैसकै भाईयों खै ऐजै बात बौताए दैया।” तोबै निकल़ैयो सै ओकी जौगैह दा हौटै गौआ।

गलातियौं 2:14

पौरौ जोबै मोऐं दैखौ, कै सैजै सौथीखै तियौं सौचाई का पालन ना कौरौ जू सुसमाचार बौतांव, तौ मोऐं जौल़ौ ऐकी दूसै पतरस अन्‍ताकिया शहर खै ओऊवा, तौ लोगौ कै सामणै तैसी फिटका, कै तू ऐक यहूदी हौयौ बै, बैगानै यहूदी लोगौ खै भोवार का पालन कौरे औरौ यहूदियों कै भोवार का पालन ना कौरे।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

इफिसियों 2:15

आपणै मौत कै दवारा, तैणै मूसा कै कानून कै ऐजै सौबै नियम औरौ विधियों कै खत्म कौरे राए, ताकि सै यहूदी लोगौ औरौ बैगानै यहूदी लोगौ कै जौड़ेयौ तिनुमुंजी शान्तै बाणै सौकौ औरौ ऐशैखै ऐक नौवाँ झुंड बौण सौकौ।

इफिसियों 3:6

औरौ भैद ऐजा औसौ कै यीशु मसीह कै साथै अमारै सौमबंध की बौजैह शै सुसमाचार कै दवारा यहूदी लोगौ कै जैशणै बैगानै यहूदी लोग बै तिनु आशीषौ कै पांदै, औरौ जू ऐकी शोरीर का हिस्सा औसौ औरौ पौरमेशवर कै कौरेयौंदे वादै दै बै भागीदार औसौ।

1 थिस्सलुनीकियों 5:22

सौब भान्त कै बुराई शै दूर रौव।