गलातियौं 1:13 - सिरमौरी नौवाँ नियम

^13-14 भाईयों, तुऐं जाणौए कै जोबै मोऐं यहूदी धरम का पालन कौरे लौआ थिया, तौ कैशै जियुं थिया। मैरै बौहितै सारै साथी जू मैरै ही उमर कै थिए, सैजै बै यहूदी धरम का पालन कौरौ थिए, पौरौ हांव तिनु सौबिदा बैजाए औगौड़ियौ थिया, जिथुकै हांव आपणै पुराणिया कै भोवार का पूरै दिल शै पालन कौरु थिया। तैसी सौमय हांव यीशु कै लोगौ कै जू पौरमेशवर कै आराधना कौरौ थिए, सोतोऊं थिया, मोऐं तिनु सौबी खै नाश कौरणौ कै कौचिश कौरे।

Sirmouri

¹³ यहूदी मत्त शा जू आगे मेरी चाल-ढाल थी, तिन्दे के बारे दो तुँऐं शुणी थो, के हाँव पंण्मिश्वर की कलीसिया बैजाऐ ही सताऊँ थिया, अरह् नाँष कर्णो की कोशिष करू थिया।

गलातियौं 1:13 ပူးပေါင်းရင်းမြစ်များ

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

प्रेरितो कै काम 9:21

औरौ सौबै शुणणौवाल़ै लोग हैरान हौयौ बौलदै लागै, “का ऐजा सैजाई आदमी ना आथी, जू यरूशलेम शहर दै तिनु जू यीशु मसीह कै बिशवाशी थिए तिनुखै नाश कौरौ थिया औरौ इथै बै इथकारिए आए रौआ थिया, कै तिनु बांनैयौ मुख्य यहूदी पुरोहितो कै धोरे लोय जांव?”

प्रेरितो कै काम 9:26

शाऊल यरूशलेम शहर दा पोंचैयो चैलै कै साथी भैटिणौ कै कौचिश कौरे पौरौ सौबै तैसदै डौरौ थिए, जिथुकै तिनुखै बिशवाश नी हौंव थिया, कै सै बै चैला औसौ।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 15:9

जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।