गलातियौं 1:10 - सिरमौरी नौवाँ नियम

¹⁰ साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

Sirmouri

¹⁰ कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 1:10 ပူးပေါင်းရင်းမြစ်များ

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 28:14

औरौ जै ऐजी बात राज्यपाल कै कानो तौड़ी पौऊंचै, तौ आमुए तैसीआरी बात कौरदै औरौ तुऐं कियौंई बातौ कै फिकर नी कौरेया।”

मत्ती 6:24

“कुणिए बै आदमी दौ स्‍वामियो कै सेवा ना कौर सौकौ जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।

प्रेरितो कै काम 12:20

राजा हेरोदेस सोर औरौ सीदोन शहर कै लोगौ शै बैजाए गुस्से थिया। इथकारिए तिनु शहरो कै लोग हेरोदेस शै भैटिंदै ऐक मन हौयौ आए, सौबी शै औगौड़ियौ तिनुऐ बलास्‍तुस शै मौदद मांगै जू राजा का ऐक कर्मचारी थिया। तोबै तिनुऐ हेरोदेस शै सौमझौता कौरणौ कै बौल़ौ जिथुकै सै आपणै खाणौ कारिए राजा कै देश कै भोरोशे थिए।

प्रेरितो कै काम 5:29

पतरस औरौ औकै चोणेयौंदे चैलै जोवाब दिया, “आदमियों कै आज्ञा दी बौढ़ेयौ पौरमेशवर कै आज्ञा का मानणा ही अमारा फर्ज औसौ।

रोमियों 1:1

हांव पौलुस ऐजै चिट्ठी लिखु, जू यीशु मसीह का सेवक औसौ, पौरमेशवरे मुखै चोणेयौंदा चैला हौणौ कारिए चोणे राए औरौ पौरमेशवर कै ढौबौशा तैसी सुसमाचार का प्रचार कौरणौ कारिए जौई कौरे राए।

रोमियों 2:29

ऐक साचा यहूदी आदमी सैजा औसौ जैसका मन पौरमेशवर कै साथै सोही औसौ। औरौ साचा खतना सिरफ मूसा कै कानून का पालन कौरणा ना आथी; पौरौ, ऐजा मन का बदलाव औसौ, जू पौरमेशवर कै आत्मा कै दवारा हौंव। ऐशणा आदमी लोगौ शै नी, पौरौ पौरमेशवर शै तारीफ पांव।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

इफिसियों 6:6

तुऔं आपणै मालिको कै आज्ञा का पालन कौरणा चैंई, सिरफ तोबै नी जोबै सै तुऔं दैखौए, पौरौ तुऐं मसीह कै सेवक औसौ, इथकारिए तुऔं आपणै पूरै मन शै सैजौई कौरणौ चैंई जू पौरमेशवर चांव कै तुऐं कौरौ।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

कुलुस्सियों 3:22

ओए रै गुलामो जू इयौं दुनिया पांदी तोंवारै मालिक औसौ, सौबी बातौ दै तिनकै आज्ञा का पालन कौरौ आदमी कै खुश कौरणौवाल़ौ कै जैशणै दिखाणौ कारिए नी पौरौ मन कै सौचाई औरौ पौरमेशवर कै डौर शै कौरौ।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।

1 यूहन्ना 3:9

जू कुणिए आदमी पौरमेशवर कै संतान औसौ सै लगातार पाप ना कौरौ; जिथुकै पौरमेशवर का स्‍वभाव तैसदा बौणेयौंदा रौंव औरौ सै पाप कौरे ही ना सौकौ जिथुकै सै पौरमेशवर कै संतान औसौ।