इफिसियों 6:6 - सिरमौरी नौवाँ नियम

⁶ तुऔं आपणै मालिको कै आज्ञा का पालन कौरणा चैंई, सिरफ तोबै नी जोबै सै तुऔं दैखौए, पौरौ तुऐं मसीह कै सेवक औसौ, इथकारिए तुऔं आपणै पूरै मन शै सैजौई कौरणौ चैंई जू पौरमेशवर चांव कै तुऐं कौरौ।

Sirmouri

⁶ आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

इफिसियों 6:6 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

मरकुस 3:35

जू कुणिए पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 7:22

जिथुकै जू गुलाम कै दशा दा तैसी सौमय बौएदै गौआ, जोबै सै गुलाम थिया प्रभुए तैसी पाप कै शौकतै शै आज़ाद कौरे राए औरौ तैशैखैई जू आज़ादी कै दशा दै बौएदै गौवै, सै मसीह कै गुलाम बौणौ।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

इफिसियों 5:17

इयौं बौजैह शै निर्बुध्दि ना हौंव पौरौ ऐजौ जाणणौ कै कौचिश कौरेयौ सौमझौ कै प्रभु तुऔं शै का कौरवाणा चांव औरौ सैजौ कौरौ।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 थिस्सलुनीकियों 4:3

पौरमेशवर कै इछा ऐजी औसौ, कै तुऐं पवित्र बौणौ औरौ गौलत सौमबंध शै बौचेयौ रौंव।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

1 पतरस 2:15

पौरमेशवर चांव कै तुऐं आपणै भले कामौ कै दवारा तोंवारै खिलाफ गौलत आरोप लाणौ वाल़ै मूर्ख लोगौ का मुँह बौन्द कौरे सौकौ जू पौरमेशवर कै ना जाणौ।

1 पतरस 4:2

ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।