इफिसियों 6:21 - सिरमौरी नौवाँ नियम

²¹ प्रभु कै संगति दा प्यारा साथी औरौ बिशवाश लायक सेवक तुखिकुस तुऔं लोगौ कै ऐजौ सौबै बौताए दैंदा, ताकि तुऐं बै जाणै पाव कै हांव कैशणा औसौ औरौ मोऐं का कौरे लो।

Sirmouri

²¹ तुखिकुस, जू प्यारा भाऐ, अरह् प्रभू दा बिश्वाष ज़ूगा दास असो, से तुँओं कैई बादी बातो बुल्दा, के तुँऐं भे मेरे हाल जाँणों के हाँव केष्णा रंह्ऊँ।

इफिसियों 6:21 ပူးပေါင်းရင်းမြစ်များ

प्रेरितो कै काम 20:4

इयौं यात्रा दै बिरीया नोगर कै पुरूर्स का बैटा सोपत्रुस औरौ थिस्‍सलुनीके शहर मुंजीदै अरिस्‍तर्खुस औरौ सिकुन्‍दूस, औरौ दिरबे नोगर का गयुस, औरौ लुस्त्रा नोगर शा तीमुथियुस, औरौ एशिया प्रदेश का तुखिकुस औरौ त्रुफिमुस आसिया तौड़ी अमारै साथी यात्री थिए।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

फिलिप्पियों 1:12

ओए रै बिशवाशी भाईटु हांव चोऊं कै तुऐं ऐजौ जाणै पाव कै जू मुं पांदी बीतै रौ, तिथलैई बौहितै लोगौ खै सुसमाचार कै फौयलणौ मुंजी मौदद भैट रौए।

कुलुस्सियों 1:7

सुसमाचार की शिक्षा तुऐं अमारै प्रिय सहयोगी भाई इपफ्रास शै शैखै राए जू आमु कारिए मसीह का बिशवाश लायक सेवक औसौ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 4:12

तुखिकुस कै मोऐं इफिसुस शहर कै भैजै राए।

तीतुस 3:12

हांव जोबै क्रेते टापू पांदी भाई अरतिमास औरौ भाई तुखिकुस खै छाडु़, तौ मैरै धोरे निकुपुलिस शहर आणौ खै कौचिश कौरेया जिथै मोऐं जाड़ै कै मीनै काटणौ कै ठाणै राए।

फिलेमोन 1:16

पौरौ ऐबै सै सिरफ तैरा सेवक नी पौरौ सेवक दा बै बौड़ा औसौ औरौ ऐबै सै तैरा प्यारा बिशवाशी भाई औसौ। हांव तैसीआरी बैजाए प्यार कौरु पौरौ ताखै तैसीआरी हौजौ बै जादा प्यार कौरणा चैंई जिथुकै सै तोंवारा सेवक औसौ औरौ मसीह दा ऐक भाई औसौ।

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।