इफिसियों 6:19 - सिरमौरी नौवाँ नियम

¹⁹ औरौ तुऐं मुं कारिए बै प्रार्थना कौरौ, ताकि बौलदै बैई मुखै शब्द दियै जांव औरौ हांव निडर हौयौ तैसी सुसमाचार का भैद बौताए सौकु।

Sirmouri

¹⁹ अरह् मुँखे भे! के मेरे बुल्दी बई ऐशा असरदार बचन देईला, के हाँव हिम्मत्त आरी खुषख्बरी का भेद् बुली सकू;

इफिसियों 6:19 ပူးပေါင်းရင်းမြစ်များ

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

प्रेरितो कै काम 18:26

सै यहूदी सभा-घोरो दा निडर हौयौ बौलदा लागा, पौरौ प्रिस्किल्‍ला औरौ अक्विला तैसकी बातौ शोणेयो, तैसी आपणै घोरे निया औरौ पौरमेशवर कै बारै मुंजी तैसी हौजौ बै आछ कौरेयौ बौतौऊ।

प्रेरितो कै काम 19:8

तोबै पौलुस यहूदी सभा-घोरो दा जायौ ती मीनै तौड़ी निडर हौयौ बौलदा रौआ, औरौ पौरमेशवर कै राज्य कै बारै मुंजी बैहस कौरदा औरौ सौमझांदा रौआ।

प्रेरितो कै काम 2:4

औरौ सैजै सौबै पवित्र आत्मा लैई भोरै गौवै, औरौ जैशैकै आत्माए तिनुकै बौलणौ कै शौकतै दै, औरौ सै ओकी-ओकी भाषा दै बौलांदै लागै।

प्रेरितो कै काम 28:31

औरौ बिना रौक-टोक औरौ बौहिता निडर हौयौ खै पौरमेशवर कै राज्य का प्रचार कौरदा औरौ प्रभु यीशु मसीह की बातौ शिखांदा रौआ।

प्रेरितो कै काम 4:13

जोबै तिनुऐ पतरस औरौ यूहन्ना कै हिम्मत दैखै, औरौ ऐजौ जाणौ कै ऐजै अनपढ़ औरौ सीधै साधे आदमी औसौ तौ हैरान हुवे; तोबै तिनुऐ जाणै पोऊँ, कै ऐजै यीशु कै साथै रौवै थिए।

प्रेरितो कै काम 4:29

ऐबै ओए रै प्रभु, तिनकी धोमकियो कै शुण, औरौ आपणै दासो कै ऐजा वरदान दै कै तैरा वचन बौड़ै हिम्मत शै शुणांव।

प्रेरितो कै काम 4:31

जोबै तिनुऐ प्रार्थना कौरे पाए, तौ सैजै जौगैह जिथै सै कौठै थिए हिंजल़ी गौए, औरौ सैजै सौबै पवित्र आत्मा दै भोरै गौवै, औरौ पौरमेशवर का वचन हिम्मत लैई शुणादै रौवै।

प्रेरितो कै काम 9:27

पौरौ बरनबासे तैसी आपणै साथै चोणेयौंदे चैलै कै धोरे नियौ तिनु बौल़ौ, कै ऐणै कैशैकै दमिश्क नगर दा बाटो पुंडा प्रभु यीशु कै दैखा औरौ प्रभुए ऐसीआरी बातौ कौरी; औरौ हौजौ दमिश्क शहर दै ऐणै कैशणै हिम्मत शै यीशु कै नांव का प्रचार कौरा।

प्रेरितो कै काम 9:29

औरौ निडर हौयौ प्रभु कै नांव का प्रचार कौरौ थिया औरौ यूनानी भाषा बौलणोवाल़ै यहूदी लोगौ कै साथी बातौ औरौ बैहसबाजी कौरौ थिया; इथकारिए सै तैसी मारणौ की कौचिश कौरदै लागै।

रोमियों 15:30

ओए रै बिशवाशी भाईयों; प्रभु यीशु मसीह दै अमारै बिशवाश कै बौजैह शै औरौ पवित्र आत्माए जू आमु प्यार दैय राए, तिथकै बौजैह शै, हांव तुंआदै बिन्ती कौरु, कै तुऐं मैरै खातिर पौरमेशवर शै बैजाए ही ईमानदारी शै प्रार्थना कौरौ।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 1:5

जिथुकै आमुखै कैई तरह की आशीषै भैटी रैई, औरौ जोबै कै आमु मसीह कै साथै एकजुट औसौ पौरमेशवरे आमुखै आपणै वचन बौलणौ औरौ सौमझणौ कारिए सौबी भान्त कै खासियत दैय राए।

1 कुरिन्थियों 2:7

पौरौ आमै जैसी ज्ञान कै बात कौरु, सैजा ज्ञान पौरमेशवर का ज्ञान औसौ जू छिपैयौंदा औसौ। इबी तौड़ी कुणिए बै ऐसी ज्ञान कै ना सौमझौ थिए। इदै आगै कै पौरमेशवरे धोरती बाणै, तैणै आगै दा ही आपणै ज्ञान लैई फोयसला लौए राए थिया कै सै आमु आपणै महिमा दैंदा।

1 कुरिन्थियों 4:1

ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

2 कुरिन्थियों 1:11

जिथुकै तुऐं अमारै प्रार्थनाओं कै दवारा अमारै मौदद कौरौ कै जू आशीषौ तिनकै दवारा भैट रैई तिथकी बौजैह शै बैजाए लोग अमारै ढौबौशा धन्यवाद कौरौ।

2 कुरिन्थियों 3:12

इथकारिए ऐशणै आशा राखैयौ आमै हिम्मत कै साथै बुलू,

2 कुरिन्थियों 6:11

ओए रै कुरिन्थुस शहर कै बिशवाशियौं, आमै खौलेयौ तुऔंआरी बातौ कौरे रैई, आमै तुऔं आपणै पूरै दिल शै प्यार कौरु।

2 कुरिन्थियों 7:4

मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

2 कुरिन्थियों 8:7

पौरौ जैशैखै हर बातौ दै यानी बिशवाश, प्रचार कौरणा या शिक्षा दैणौ कै लायक, ज्ञान औरौ सौब भान्त कै कामौ दै, औरौ तैसी प्यार दै, जू आमुआरी राखौ, बौढ़दै जांव, तैशैखैई ऐसी गरीब बिशवाशी कारिए बै बौढ़दै जाव।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 3:9

औरौ मुखै इयौं राज़ौ कै योजना खै सौबी कै सौमझाणौ कारिए बै चोणे राए थिया। पौरमेशवर, जू सारी दुनिया का बाणणौवाल़ा औसौ, तैणै शुरु शै ही इयौं योजना कै गुप्‍त राखै राए थै।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

कुलुस्सियों 4:3

औरौ इथकै साथ ही साथ आमु कारिए बै प्रार्थना कौरदै रौव कै पौरमेशवर आमु कै वचन शुणणौ कारिए बाट खोले दैंव कै आमु मसीह कै तैसी भैद का बखान कौरे सौकु। हांव ऐबै कोयदखाने दा औसौ जिथुकै मोऐं ऐसी सौंदेश का प्रचार कौरे राए।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

1 थिस्सलुनीकियों 5:25

ओए रै बिशवाशी भाईयों, आमु कारिए प्रार्थना कौरौ।

2 थिस्सलुनीकियों 3:1

ओए रै बिशवाशी भाईयों, आखिर दै, आमु कारिए प्रार्थना कौरौ, ताकि आमै तावल़ै सौबै जौगैह दै प्रभु यीशु मसीह कै बारै मुंजी सौंदेश कै पोऊंचाए सौकु औरौ लोग इथपांदी तैशैखैई बिशवाश कौरौ जैशै तुऐं कौरे राए थिया।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

फिलेमोन 1:22

औरौ ऐक बात हौजौ ऐजै बै कै मुं कारिए आपणै घोरे ऐक कमरा तैयार राख जिथुकै मुखै आशा औसौ कै पौरमेशवर तोंवारै प्रार्थनाओं का जवाब दैंदा औरौ जोबै हांव कोयदखाने पौरैशा छुटेयो आन्दा तौ तुऐं मुखै औटेयौ दैखदै।

इब्रानियों 13:18

अमारै खातिर प्रार्थना कौरदै रौव, जिथुकै आमै निशोंक हौयौ जाणुए, कै अमारा विवेक शुध्द औसौ, औरौ आमै जू बै काम कौरो तिनु सौबी कामौ दा पौरमेशवर का आदर कौरणा चांव।