इफिसियों 6:11 - सिरमौरी नौवाँ नियम

^11-13 आमुए आदमी कै खिलाफ युध्द ना लौड़ै लैई। पौरौ आमु प्रधानों औरौ औधिकारियो कै खिलाफ औरौ इनारै कै शौकतै शै औरौ आत्मिक दुनिया कै शौकतै कै खिलाफ लौड़ै रौवै। इथकारिए सौबै हथियार धारण कौरे पांव जू पौरमेशवर दैंव। ताकि जोबै सैजौ बुरु दूस आलो, तौ तुऐं शैतान कै चालौ शै बौचै सौकौ। औरौ जोबै ऐजी लोड़ाए खत्म हौए जाली, तोबै बै तुऐं मोजबूती कै साथै खौड़ै रौए सौकौ।

Sirmouri

¹¹ पंण्मिश्वर के बादे हथियार धारण करह्, के तुँऐ दुष्ट-शैतान की चालाकी के पलाँण के संहाम्णें खह्ड़े रंऐ सको।

इफिसियों 6:11 ပူးပေါင်းရင်းမြစ်များ

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

रोमियों 13:12

इयौं बुरै दुनिया दा रौणौ का अमारा सौमय ऐकी राती कै खत्म हौए जाणौ कै जैशणा लमसम खत्म हौए गौआ, औरौ सैजा सौमय बै नेड़िक औसौ जोबै मसीह पाछु आन्दा। आमु तिनु बुरी चीज़ौ कै बंद कौरे दैणै चैंई जू लोग इनारै दै कौरौ। आमु तिनु हथियारों कै इस्तैमाल कौरणै चैंई जू इनारै दै इस्तैमाल कौरे जांव।

रोमियों 13:14

पौरौ प्रभु यीशु मसीह तुऔं आरी सुरक्षा बौणै जांव, जिथकै दवारा तुंआरी रक्षा हौए सौकौ, औरौ पापी स्‍वभाव कै इछाओं खै पूरा कौरणौ कै कौचिश ना कौरौ।

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

2 कुरिन्थियों 10:4

जिथुकै जिनु हथियारों लैई आमु लौडु़, सैजै आदमी कै हथियार ना आथी, पौरौ मोजबूत बन्धन कै गिराणो कारिए पौरमेशवर कै शौकतीशाली हथियार औसौ।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

2 कुरिन्थियों 2:11

ताकि शैतान अमारै हालातो का फायदा नी उठाए सौकौ, जिथुकै आमै जाणुए कै सै हमैशा आमु पाप कौरणौ कारिए लुभाणो कै तरीको कै तरकीब बाणौ।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

2 कुरिन्थियों 6:7

साची प्यार शै, सौचाई कै वचन शै, पौरमेशवर कै अनौखी शौकतै लैई आमुए काम कौरे राए। आमु धार्मिकता कै हथियार खै सोऐं हाथौ दै हमलै कारिए इस्तैमाल कौरु औरौ डैरै हाथौ दै रक्षा कौरणौ कारिए इस्तैमाल कौरु।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

1 थिस्सलुनीकियों 5:8

पौरौ आमु तौ दूसौ कै संतान औसौ इथकारिए आमु आपी पांदी काबू राखणा चैंई। अमारा बिशवाश औरौ प्यार अमारै रक्षा कौरौ जैशैकै कवच सैनिकौ कै रक्षा कौरौ। औरौ ऐजै आशा जू आमु सौदा कै सौजा शै बौचांव, तैसी टोप कै जैशणै औसौ जू ऐक सैनिक कै रक्षा कौरौ।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

याकूब 4:7

इथकारिए पौरमेशवर कै अधीन हौए जाव औरौ शैतान का सामणा कौरौ, तौ सै तोंवारै धोरे दा भागै जांदा।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 19:20

सैजा राकस औरौ सैजा झूठा सौंदेश दैणौवाल़ा पाकड़ै गौआ। ऐजा झूठा सौंदेश दैणौवाल़ा सैजाई औसौ जैणै आगलै राकस कै ढौबौशै चौमत्कारी निशान दिखाए औरौ तिनु सौबी लोगौ कै भरमाए, जिनुवै आगलै राकस कै छाप आपणै माथै पांदी लाए राए थी, औरौ जू तैसकै मूर्ती कै पूजा कौरौ थिए। इनु दुईनै जीतै जी तियौं आग कै झीलो मुंजी पाए दियै, जू गन्धक लैई जौल़ौ।

प्रकाशितवाक्य 2:24

पौरौ थुआतीरा शहर दै तुऐं बाकी लोगै तियौं झूठी शिक्षा खै ना मानी। तुऐं तिथमुंजी हिस्सा ना लोई जिथु तियौंकै चैलै “शैतान की गैहरी बातौ बौल़ौ।” हांव तुऔं खै बुलू कै हांव तुऔं कुणजै औकै खास आज्ञा ना दुं, सिवाए इथकै कै जांव तौड़ी हांव ना आन्दा तांव तौड़ी मुं पांदी मोजबूती शै बिशवाश कौरणा जारी राखौ।